قر اشم مەملەكەتتىك ۆەتەريناريالىق ينسپەكتورلارى رەسەيگە 36 مىڭ جۇمىرتقانى قايتاردى, دەپ حابارلايدى Egemen.kz.
11 ناۋرىزدا سولتۇستىك قازاقستان وبلىسىنىڭ سىرتقى باقىلاۋ پۋنكتىنىڭ مەملەكەتتىك ۆەتەريناريالىق ينسپەكتورلارى ۆەتەرينارلىق زاڭناماعا قايشى كەلەتىن 36 مىڭ تاعامدىق جۇمىرتقانىڭ اكەلىنۋىنە جول بەرمەدى. ءونىم قازاقستانعا رف ورىنبور وبلىسىنان ەاەو تالاپتارىنا سايكەس كەلمەيتىن ۆەتەرينارلىق سەرتيفيكاتپەن بىرگە جىبەرىلدى. جۇك ەكسپورتتاۋشى ەلدىڭ اۋماعىنا قايتارىلدى, دەپ حابارلادى قر اشم.
بۇگىنگى كۇنى قر سىرتقى مەملەكەتتىك شەكاراسىندا 31 ۆەتەرينارلىق باقىلاۋ بەكەتى جۇمىس ىستەيدى. شەكارانىڭ رەسەي - قازاقستان جانە قىرعىزستان - قازاقستان ۋچاسكەلەرىندە 32 بەكەت ورنالاسقان.
2021 جىلدىڭ باسىنان بەرى مال شارۋاشىلىعى ونىمدەرىن تاسىمالداۋ كەزىندە ۆەتەرينارلىق-سانيتارلىق ەرەجەلەردى بۇزعانى ءۇشىن كاسىپكەرلەرگە 3,3 ملن تەڭگەدەن استام ايىپپۇل سالىندى.