ماڭعىستاۋ وبلىسى بويىنشا قاج دەپارتامەنتىنىڭ گم-172/10 مەكەمەسىندەگى شارۋاشىلىق جۇمىستارى ءۇشىن قالدىرىلعان سوتتالعاندار اراسىندا امال مەرەكەسىنە وراي ءىس-شارا وتكىزىلدى. ءىس-شارانىڭ اشىلۋى گم-172/10 مەكەمە باستىعىنىڭ تاربيە جۇمىستارى جونىندەگى ورىنباسارى ادىلەت پودپولكوۆنيگى ە.سۋزاقباەۆ قۇتتىقتاۋ سوزىمەن باستالدى, دەپ حابارلايدى Egemen.kz.
ءىس-شارادا شارۋاشىلىق جاساعىندا جازاسىن وتەۋشىلەر قازاقتىڭ ۇلتتىق كيىمدەرىن كيىپ, وزدەرى دايىنداعان داستارحان باسىندا قوسىپ ءبىر-ءبىرىن قۇتتىقتاپ, اق تىلەكتەرىن ءبىلدىردى. جازاسىن وتەۋشى سوتتالعان ا.تۋرلىباەۆ قازاقتىڭ قارا دومبىراسىمەن «بۇل ولكە», « ۇلىستىڭ ۇلى كۇنى» اتتى اندەردى شىرقادى.
-ءىس-شارانىڭ ماقساتى سوتتالعان ازاماتتاردىڭ قازاقتىڭ سالت-داستۇرىنە دەگەن قىزىعۋشىلىعىن وياتۋ, جازاسىن وتەپ جۇرسە دە حالقىمىزدىڭ قاستەرلى مەرەكەسىنەن تىس قالماي اتاپ ءوتۋ, - دەيدى ع.بەرديشەۆ.