پارلامەنت سەناتىنىڭ توراعاسى ماۋلەن اشىمباەۆ مۋزىكانت يمانبەك زەيكەنوۆتى «گرەممي» سىيلىعىن جەڭىپ الۋىمەن قۇتتىقتادى. بۇل تۋرالى ول ءوزىنىڭ Facebook-تەگى پاراقشاسىندا جازدى, دەپ حابارلايدى Egemen.kz.
«وتانداسىمىز, تالانتتى مۋزىكانت يمانبەك زەيكەنوۆتى «گرەممي» سىيلىعىن جەڭىپ الۋىمەن شىن جۇرەكتەن قۇتتىقتايمىن! بۇل – ەگەمەن ەلىمىز ءۇشىن تاريحي جەڭىس جانە زور مارتەبە. دارىنىمەن بارشا الەمدى تاڭ قالدىرعان جەرلەسىمىزدىڭ الداعى ۋاقىتتا بۇدان دا بيىك بەلەستەردى باعىندىرا بەرۋىنە تىلەكتەسپىز.
يمانبەك باۋىرىمىزدىڭ جەڭىسى بارشا قازاق جاستارىن قاناتتاندىرىپ, العا جەتەلەيتىنى ءسوزسىز. شىن مانىندە, ارمانى اسقاق, ماقساتى ايقىن ادام ءۇشىن الىنبايتىن قامال جوق. ەڭ باستىسى, ەشقاشان ارماننان قول ۇزبەي, سول جولدا تالماي ەڭبەك ەتە ءبىلۋ كەرەك. جەڭىس قۇتتى بولسىن!» دەپ جازدى م. اشىمباەۆ.
ەسكە سالا كەتەيىك, بۇعان دەيىن قازاقستاندىق مۋزىكانت يمانبەك زەيكەنوۆتىڭ Grammy سىيلىعىن جەڭىپ العانىن حابارلاعان بولاتىنبىز.