«ءبىلىم-يننوۆاتسيا» ليتسەيىنىڭ وقۋشىسى حالىقارالىق ماتەماتيكا وليمپيادالارىنىڭ جۇلدەگەرى اتاندى

اقمولا وبلىستىق ءبىلىم باسقارماسى ءباسپاسوز قىزمەتىنىڭ مالىمەتىنشە, بيىلعى جىلعى ناۋرىزدىڭ 9-10 ارالىعىندا ونلاين رەجيمدە ازيا-تىنىق مۇحيتى 33-ءشى حالىقارالىق ماتەماتيكا وليمپياداسى جانە «جىبەك جولى» 20-شى حالىقارالىق ماتەماتيكا وليمپياداسى ءوتتى.

اتالعان زياتكەرلىك وليمپيادالاردى وتكىزۋدىڭ نەگىزگى يدەياسى – ماتەماتيكا عىلىمدارى سالاسىندا دارىندى وقۋشىلاردى انىقتاۋ, دامىتۋ جانە قولداۋ ءۇشىن جاعداي جاساۋ, سونداي-اق قاتىسۋشى ەلدەر اراسىنداعى حالىقارالىق ءبىلىم بەرۋ جانە عىلىمي بايلانىستاردى دامىتۋ. وعان قازاقستاننان بارلىعى 150 وقۋشى قاتىستى.

ونىڭ ىشىندە اقمولا وبلىسىنىڭ نامىسىن كوكشەتاۋ قالاسىنداعى ء«بىلىم – يننوۆاتسيا» ليتسەي-ينتەرناتىنىڭ وقۋشىلارى ميرات حاميتوۆ, ءاليحان مۇقاشەۆ, ديدار داۋلەتباي, ءادىلحان الپىسباي, ارسلان دامينوۆ جانە نۇر-سۇلتان قالاسىنداعى دارىندى بالالارعا ارنالعان №2 وبلىستىق ماماندىرىلعان مەكتەپ-ينتەرناتىنىڭ وقۋشىسى ديدار قابىلبەك قورعادى. وليمپيادا قورىتىندىسى بويىنشا ء«بىلىم – يننوۆاتسيا» ليتسەي-ينتەرناتىنىڭ 11-سىنىپ وقۋشىسى ارسلان دامينوۆ ازيا-تىنىق مۇحيتى 33-ءشى حالىقارالىق ماتەماتيكا وليمپياداسىندا ءۇشىنشى ورىن جانە «جىبەك جولى» 20-شى حالىقارالىق ماتەماتيكا وليمپياداسىندا ەكىنشى ورىن الدى.

ايتا كەتەيىك, ءتۇرلى دەڭگەيدەگى ءبىلىم بەرۋ جارىستارىنىڭ بىرنەشە دۇركىن جەڭىمپازى ارسلان دامينوۆ قازاقستان-بريتان تەحنيكالىق ۋنيۆەرسيتەتى گرانتىنىڭ يەگەرى.