الماتىداعى ازىق-ت ۇلىك بازارلارىنىڭ اكىمشىلەرى مەن ديرەكتورلارىنان اقشا جيناعان شەنەۋنىك ۇستالدى. بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگى 1-ءشى دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بيگايداروۆ ءمالىم ەتتى, دەپ حابارلايدى Egemen.kz
ونىڭ ايتۋىنشا, اگەنتتىكتىڭ الماتى قالالىق دەپارتامەنتى «قازاقستان رەسپۋبليكاسى اۋىل شارۋاشىلىعى مينيسترلىگىنىڭ الماتى قالاسى بويىنشا اگروونەركاسىپتىك كەشەندەگى مەملەكەتتىك اۋماقتىق ينسپەكتسيا كوميتەتى» مم كارانتيندىك, وسىمدىكتەردى قورعاۋ جانە فيتو-سانيتارلىق باقىلاۋ بەكەتتەرىن مەملەكەتتىك باقىلاۋ ءبولىمىنىڭ باسشىسىنا قاتىستى سوتقا دەيىنگى تەرگەۋدى باستادى. «ول جۇيەلى نەگىزدە كاسىپكەرلىك سۋبەكتىلەرىنەن – الماتى قالاسىنىڭ ازىق-ت ۇلىك بازارلارىنىڭ اكىمشىلەرى مەن ديرەكتورلارىنان اكىمشىلىك جاۋاپكەرشىلىككە تارتپاعانى جانە فيتوسانيتاريالىق باقىلاۋدى جۇزەگە اسىرماعانى ءۇشىن 10 مىڭنان 60 مىڭ تەڭگەگە دەيىن پارا العان. قر قىجك-ءنىڭ 128-بابىنا سايكەس جوعارىدا اتالعان ءبولىم باسشىسى ۇستالىپ, الماتى قالالىق پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى. قاجەتتى تەرگەۋ ارەكەتتەرى جۇرگىزىلۋدە», دەدى ول.