«ەگەمەننىڭ» ەكى ءجۋرناليسى جۇلدەگەرلەر قاتارىندا

سىيلىق قازاقستاندىق ايەلدەردىڭ ءومىر ءسۇرۋ ساپاسى مەن الەۋمەتتىك ءرولىن ارتتىرۋ, گەندەرلىك تەڭدىك, وتباسىلىق ماسەلەلەرىن جاريالاۋعا ۇلكەن ۇلەس قوسقان تانىمال قازاقستاندىق جۋرناليست ميرا مۋستافينانىڭ قۇرمەتىنە بەرىلدى. مۇنداعى ماقسات – قوعامداعى ايەلدەردىڭ مارتەبەسىن جان-جاقتى قامتۋ ارقىلى ولاردى كوتەرۋ, رەپرودۋكتيۆتى دەنساۋلىق پەن قىزدار مەن ايەلدەردىڭ ءومىر ءسۇرۋ ساپاسىنىڭ وزەكتى ماسەلەلەرىن شەشۋ جولدارىن ۇسىنۋ, زورلىق-زومبىلىقتىڭ بارلىق تۇرلەرىن جويۋ, اقپاراتتى ناسيحاتتاۋ. قازاقستان رەسپۋبليكاسىندا وتباسىلىق جانە گەندەرلىك ساياساتتى ىسكە اسىرۋ.

ميرا مۋستافينا اتىنداعى بايقاۋعا قازاقستاننىڭ بارلىق ايماقتارىنان 45 ءوتىنىم جانە 100-دەن استام قازاق جانە ورىس تىلدەرىندەگى جۇمىستار كەلىپ ءتۇستى. 2021 جىلدىڭ 3 اقپانى مەن 2021 جىلدىڭ 3 ناۋرىزى ارالىعىندا ميرا مۋستافينا اتىنداعى سىيلىققا كونكۋرس ءوتتى. سىيلىققا قازاقستان رەسپۋبليكاسىندا جۇمىس ىستەيتىن جانە ەلدەگى ايەلدەر حالقىنىڭ وزەكتى ماسەلەلەرىن, قىزدار مەن ايەلدەردىڭ ءومىر ءسۇرۋ ساپاسىن, سونداي-اق وتباسىلىق-گەندەرلىك ساياساتتى ىسكە اسىرۋ تاقىرىپتارىندا جاريالانىمدارى بار جۋرناليستەر قاتىستى. ماقالالار قازاق جانە ورىس تىلدەرىندە قابىلداندى. قازىلار القاسىنىڭ داۋىس بەرۋىمەن:

قازاقستانداعى ايەلدەردىڭ مارتەبەسىن كوتەرۋگە قوسقان ۇلەسى ءۇشىن رايسوۆا زۋلفيا,

قازاقستانداعى ايەلدەر دەنساۋلىعىن ساقتاۋعا قوسقان ۇلەسى ءۇشىن سادىقوۆا نەليا («كاراۆان» گازەتى),

«2021 جىلعى ۇزدىك باق: قازاقستان رەسپۋبليكاسىنداعى وتباسىلىق جانە گەندەرلىك ساياساتتى ىسكە اسىرۋعا قوسقان ۇلەسى ءۇشىن» شىبىكەەۆا ايدانا (Informburo.kz) ميرا مۋستافينا سىيلىعىنىڭ جەڭىمپازدارى بولىپ تانىلسا, ءمولدىر بولاتقىزى (Manshuq, Holanews), حامەتجانوۆا ايناش (Tengrinews, Idoctor), «Egemen Qazaqstan» گازەتى تىلشىلەرى ايناش ەسالى, ايا ءومىرتاي, اليسا ماسالەۆا («وڭتۇستىك قازاقستان» گازەتى), انگەلا لي («كاسپي ماڭى كوممۋناسى» گازەتى) قازىلار القاسىنىڭ ارنايى جۇلدەسىن يەلەندى.

Egemen Qazaqstan گازەتىنىڭ «ايەل الەمى» ارنايى بەتى تىلشىلەر ايناش ەسالى مەن ايا ءومىرتايدىڭ دايىنداۋىمەن ءبىر جىلدان بەرى تۇراقتى جۇرگىزىلىپ كەلەدى. ارنايى بەتتە ايەل قۇقىعى مەن گەندەرلىك تەڭدىك تاقىرىبىنا قاتىستى ماتەريالدار جارىق كورەدى.

ميرا مۋستافينا سىيلىعىن قازاقستان ايەلدەر كۇشتەرى اليانسى «بيونوريكا كاز» جشس فارماتسەۆتيكالىق كومپانياسىنىڭ قولداۋىمەن  ۇيىمداستىردى. ميرا مۋستافينا – تانىمال قازاقستاندىق جۋرناليست, ول ءومىر ءسۇرۋ ساپاسىن جاقسارتۋ جانە قازاقستاندىق ايەلدەردىڭ الەۋمەتتىك ءرولى, گەندەرلىك تەڭدىك جانە وتباسىلىق ماسەلەلەردى شەشۋگە ۇلكەن ۇلەس قوستى. قازاقستان ايەلدەر كۇشتەرىنىڭ اليانسى – بۇل بارلىق وبلىستاردان 140-تان استام ۇەۇ كىرەتىن ەڭ ءىرى ۇكىمەتتىك ەمەس ايەلدەر قاۋىمداستىعى.