مەديتسينالىق اۆياتسيا ماماندارى تاعى ءبىر ناۋقاسقا قاجەتتى كومەك كورسەتتى, دەپ جازادى Egemen.kz.
الماتى وبلىسىنداعى الاكول اۋداندىق ورتالىق اۋرۋحاناسىنا 1995 جىلى تۋعان جەرگىلىكتى تۇرعىن كەلىپ, اتتان قۇلاعانىن ايتىپ شاعىمدانادى. ازاماتتىڭ مويىن جانە بەل ومىرتقالارىنىڭ قيمىلى شەكتەلگەن ەكەن.
تەكسەرۋدەن كەيىن تۇرعىن شۇعىل تۇردە انەستەزيولوگيا, رەانيماتسيا جانە قارقىندى تەراپيا بولىمىنە ەمدەۋگە جاتقىزىلعانىمەن, دارىگەرلەر ناۋقاسقا قۇرامىندا نەيروحيرۋرگ جانە رەانيماتولوگ دارىگەرى بار مەديتسينالىق اۆياتسيانىڭ موبيلدىك بريگاداسىمەن مەديتسينالىق اۆياتسيا بورتىن شاقىرۋ قاجەت دەپ تابادى.
2021 جىلعى 10 ناۋرىزدا مەديتسينالىق اۆياتسيانىڭ موبيلدىك بريگاداسى اۋداندىق اۋرۋحاناعا كەلدى, وندا پاتسيەنتتى نەيروحيرۋرگ جانە رەانيماتولوگ بىرلەسىپ زەرتتەپ-قارادى. مامانداندىرىلعان نەيروحيرۋرگيالىق كومەك كورسەتۋ ءۇشىن پاتسيەنتتى مەديتسينالىق اۆياتسيا كۇشىمەن تالدىقورعان قالاسىنداعى وبلىستىق اۋرۋحاناعا تاسىمالداۋ تۋرالى شەشىم قابىلدانادى. سول كۇنى پاتسيەنت تۇراقتى كۇيدە وبلىستىق اۋرۋحاناعا جەتكىزىلەدى. قازىر ناۋقاستىڭ جاعدايى تۇراقتى.
ايتا كەتەيىك, ناۋقاستى اۋە جولى ارقىلى ەلىمىزدىڭ كەز كەلگەن جەرىنە تاسىمالداۋ مۇمكىندىگىنىڭ ارقاسىندا كۇردەلى وپەراتسيانى ۋاقتىلى جۇرگىزۋگە, اۋىر جاراقاتتار كەزىندە جەدەل كومەك كورسەتۋگە, جوعارى تەحنولوگيالىق مەديتسينالىق كومەكتى قولجەتىمدى ەتۋگە جانە قۇتقارىلعان ادامداردىڭ سانىن ايتارلىقتاي ارتتىرۋعا مۇمكىندىك بەرەدى.