سەنات توراعاسى ماۋلەن اشىمباەۆ ۇلىبريتانيا جانە سولتۇستىك يرلانديا قۇراما كورولدىگىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى مايكل دجون گيففوردپەن كەزدەستى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا پارلامەنتارالىق بايلانىستار ارقىلى ەكى ەل اراسىنداعى ىنتىماقتاستىقتى ودان ءارى نىعايتۋ جايىندا ءسوز بولدى. سەنات توراعاسى قازاقستاننىڭ ەۋروپا مەن ازيانىڭ تۇيىسكەن تۇسىندا ورنالاسۋىنىڭ ستراتەگيالىق ماڭىزى بار ەكەنىن ايتىپ, ەلىمىز جاقسى ينۆەستيتسيالىق احۋال قالىپتاستىرۋعا باسا ءمان بەرەتىنىن جەتكىزدى.
ء«بىز وڭىردە قولايلى ينۆەستيتسيالىق احۋال قالىپتاستىرا الدىق. بىلتىرعى قاراشا ايىندا مەملەكەت باسشىسىنىڭ تاپسىرماسىمەن پارلامەنت سالىق كودەكسىنە ەنگىزىلگەن تۇزەتۋلەردى قابىلدادى. ينۆەستيتسيانىڭ كولەمىنە, مەرزىمىنە جانە جۇمىس ورنىنا بايلانىستى ينۆەستورلار 10 جىلعا دەيىن كورپوراتيۆتى, جەر, قوسىمشا قۇن سالىقتارىنان جانە م ۇلىككە سالىناتىن سالىقتان بوساتىلادى», دەدى ماۋلەن اشىمباەۆ.
سونىمەن قاتار سەنات توراعاسى ەلدەرىمىز اراسىنداعى مادەني-گۋمانيتارلىق بايلانىستاردىڭ دا ناتيجەلى دامىپ كەلە جاتقانىن تىلگە تيەك ەتتى. پالاتا سپيكەرى بريتانيالىق جوعارى وقۋ ورىندارى قازاقستاندىق ستۋدەنتتەر مەن قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ باستاماسىمەن قولعا الىنعان «بولاشاق» باعدارلاماسىنىڭ ستيپەندياتتارى اراسىندا جوعارى سۇرانىسقا يە ەكەنىن دە اتاپ ءوتتى. سونداي-اق, ول بىلتىرعى قاراشا ايىندا ۇلىبريتانيادا تاريحتا العاش رەت اعىلشىن تىلىندە «Abai. Book of Songs» اتتى اباي اندەرىنىڭ جيناعى جارىق كورگەنىن, بۇل ۇلى ويشىلدىڭ مۇرالارىن دارىپتەۋدە اسا ماڭىزدى ەكەنىن ايتتى.
بۇدان باسقا, ماۋلەن اشىمباەۆ ۇلىبريتانيا تاراپىن وسىعان دەيىن وتكەن الەمدىك جانە ءداستۇرلى دىندەر ليدەرلەرىنىڭ سەزدەرىنە قاتىسقانى ءۇشىن العىس ءبىلدىردى. سونداي-اق, انگليكان شىركەۋىنىڭ وكىلدەرىن الداعى فورۋمعا جانە ونىڭ حاتشىلىعىنىڭ جۇمىسىنا قاتىسۋعا شاقىردى.
ء«بىزدىڭ ەلىمىزدىڭ باستاماسىمەن الەمدىك جانە ءداستۇرلى دىندەر ليدەرلەرىنىڭ سەزى وتكىزىلىپ كەلە جاتقانى بەلگىلى. قازىرگى تاڭدا بۇل سەزد الەمدەگى رۋحاني كوشباسشىلاردىڭ جاڭا زامانداعى وزەكتى ماسەلەلەردى تالقىلايتىن بەدەلدى فورۋمىنا اينالدى. ءبىز انگليكان شىركەۋىنىڭ باسشىلىعىنا سەزد حاتشىلىعىنىڭ جۇمىسىنا بەلسەندى قاتىسىپ كەلە جاتقانى ءۇشىن العىسىمىزدى بىلدىرەمىز», دەدى سەنات توراعاسى.
ماۋلەن اشىمباەۆ ءوز سوزىندە قازاقستان پارلامەنتىنىڭ سەناتى ەكى ەلدىڭ اراسىنداعى پارلامەنتارالىق ىنتىماقتاستىقتى ودان ءارى نىعايتۋ ءۇشىن ءتيىستى جۇمىستى جالعاستىرا بەرەتىنىنە دە توقتالىپ ءوتتى.