شىعىس قازاقستاندا جىل باسىنان بەرى قىزمەتتىك يتتەردىڭ كومەگىمەن 30-دان استام قىلمىس اشىلعان, دەپ حابارلايدى Egemen.kz
بۇگىندە وبلىس پوليتسياسىندا 80-نەن استام يت قىزمەت اتقارادى. ونىڭ ىشىندە 41 يت ىزگە تۇسۋگە, 14-ءى ەسىرتكى ىزدەۋگە, 13-ءى جارىلعىش زاتتاردى ىزدەۋگە تارتىلعان. سونىمەن قاتار, شابۋىلداۋعا, ايداۋىلعا جانە كۇزەتكە ۇيرەتىلگەن يتتەر بار. مۇندا ء«تورت اياقتى پوليتسەيلەر» قىلمىس ورىن العان جەرلەرگە ءجيى شىعىپ, ء«ىزىن سۋىتپاي» قىلمىسكەردى ىزدەۋگە, جارىلعىش زاتتاردى, ەسىرتكىلەر مەن وق-دارىلەردى ىزدەۋگە قاتىسادى
2021 جىلى ينسپەكتور-كينولوگتار قىزمەتتىك-ىزدەستىرۋ يتتەرىمەن بىرگە 900-دەن استام وقيعا ورنىنا شىققان.
– جىل باسىنان بەرى قىزمەتتىك-ىزدەستىرۋ يتتەرى 32 قىلمىستى اشۋعا قاتىستى. ونىڭ ىشىندە ەسىرتكى زاتتاردىڭ زاڭسىز اينالىمىنا بايلانىستى 16 قىلمىس. ارنايى وپەراتسيالاردى وتكىزۋ كەزىندە زاڭسىز اينالىمنان شامامەن 500 گرامم ەسىرتكى تاركىلەنگەن بولاتىن. كريمينالدىق پوليتسيا جەلىسى بويىنشا 16 قىلمىس اشىلدى, – دەدى شقو پد كينولوگيالىق قىزمەت ورتالىعى باستىعى پوليتسيا كاپيتانى ومىرزاق كاساينوۆ.
شىعىس قازاقستان وبلىسى