سىرتقى ىستەر مينيسترلىگىندە جاڭادان تاعايىندالعان قازاقستان رەسپۋبليكاسىنىڭ يتاليا رەسپۋبليكاسىنداعى توتەنشە جانە وكىلەتتى ەلشىسى ەربولات سەمباەۆ, مالايزياداعى توتەنشە جانە وكىلەتتى ەلشىسى بولات سۇگىرباەۆ پەن ماروككو كورولدىگىندەگى توتەنشە جانە وكىلەتتى ەلشىسى ساۋلەكۇل سايلاۋقىزىنىڭ سالتاناتتى انت بەرۋ ءراسىمى ءوتتى, دەپ حابارلايدى Egemen.kz اتالعان مينيسترلىكتىڭ ءباسپاسوز قىزمەتىنە سىلتەمە جاساپ.
ءراسىم بارىسىندا ەلشىلەر قازاقستاننىڭ كونستيتۋتسياسى مەن زاڭناماسىن ساقتاۋعا, سونداي-اق قازاقستان حالقىنا ادال قىزمەت ەتۋگە انت بەردى.
ءىس-شارا سوڭىندا قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى ديپلوماتتاردى قۇتتىقتاپ, اككرەديتتەلگەن ەلدەرىمەن ەكىجاقتى قاتىناستاردى دامىتۋ بويىنشا ءتيىستى تاپسىرمالار بەردى.