بۇگىن ۇكىمەتتىڭ قاۋلىسى قابىلدانىپ, «سامۇرىق-قازىنا» مەن «قازمۇنايگاز» اراسىندا «قازترانسگازدى» «سامۇرىق-قازىنا» قورىنىڭ سەنىمدى باسقارۋىنا بەرۋ تۋرالى كەلىسىمگە قول قويىلدى, دەپ حابارلايدى Egemen.kz.
«وسىلايشا, «قازترانسگاز» ۇلتتىق كومپانياسى گازدى تاسىمالداپ قانا قويماي, سونىمەن بىرگە گاز جانە گازبەن جابدىقتاۋ سالاسىنداعى تولىققاندى ۇلتتىق وپەراتورعا اينالادى», - دەپ اتاپ ءوتتى احمەتجان ەسىموۆ.
ەستەرىڭىزگە سالا كەتەيىك, وتكەن جىلدىڭ قاراشا ايىندا «سامۇرىق-قازىنا» قورىنىڭ باسقارۋشىلار كەڭەسىنىڭ وتىرىسىندا كەڭەس توراعاسى ەلباسى نۇرسۇلتان نازارباەۆ «قازترانسگازدى» «قازمۇنايگازدان» «سامۇرىق-قازىنا» قورىنا تىكەلەي باعىندىرۋ مىندەتىن قويعان بولاتىن.
وسى جىلدىڭ قاڭتار ايىندا ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ گازدى بارلاۋ, ءوندىرۋ جانە تاسىمالداۋ جونىندەگى ۇلتتىق وپەراتور قۇرۋدى تاپسىردى.