قازىعۇرتتا ومىردەن وتكەن اكەسىنىڭ زەينەتاقىسىن زاڭسىز الىپ وتىرعان تۇرعىن انىقتالدى, دەپ حابارلايدى Polisia.kz.
قازىعۇرت اۋداندىق پوليتسيا باسقارماسىنا اۋدان پروكۋراتۋراسىنان قۇجاتتار كەلىپ ءتۇستى. وندا جەرگىلىكتى تۇرعىنداردىڭ ءبىرى قايتىس بولعان اكەسىنە مەملەكەت تاراپىنان تولەنەتىن زەينەتاقىسىن زاڭسىز الىپ كەلگەنى كورسەتىلگەن. وسىلايشا تۇرعىن زەينەتاقىنى الۋ مۇمكىنشىلىگى جوق ەكەنىن بىلە تۇرا, ەكى جىل ءۇش اي زاڭسىز الىپ, مەملەكەتكە ءبىر ميلليون 200 مىڭنان استام تەڭگە شىعىن كەلتىرگەن. اتالعان جايت قر قك-ءنىڭ 190-بابى (الاياقتىق) بويىنشا تىركەۋگە الىندى.
اقپارات الىسىمەن پوليتسەيلەر بىردەن ارەكەت ەتىپ, كۇدىكتى تۇرعىننىڭ جەكە باسىن انىقتادى. ونى تۇرعىلىقتى مەكەنجايىنان ۇستاپ, اپب-نە جەتكىزدى. ەر ادام ءوز كىناسىن تولىق مويىندادى. بۇگىندە تۇرعىن مەملەكەت تاراپىنان ەكى جىل الدىن دۇنيەدەن وتكەن اكەسىنىڭ اتىنان الىپ وتىرعان اقشالاردى قايتارعان.
تۇركىستان وبلىسىنىڭ پوليتسەيلەرى وسىنداي وڭاي جولمەن اقشا تاپپاق بولعان تۇرعىنداردى قۇرىقتاۋدا. ءوز كەزەگىندە ءتارتىپ ساقشىلارى تۇرعىندارعا كەز كەلگەن ماسەلەنى زاڭ جۇزىندە شەشۋگە كەڭەس بەرەدى. قانداي دا ءبىر زاڭسىزدىق ورىن السا, ول مىندەتتى تۇردە اشكەرە بولىپ, سوڭى قىلمىستىق نە اكىمشىلىك جاۋاپكەرشىلىككە اكەلىپ سوعاتىنىن ەسكەرتەدى.