قوستاناي وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ەرىكتىلەرمەن جانە وبلىستىق پسيحيكالىق دەنساۋلىق ورتالىعىنىڭ وكىلدەرىمەن بىرگە ەسىرتكى جارناماسى بار سۋرەتتەر مەن گراففيتي جازبالاردى ۇستىنەن بوياۋ بويىنشا كەزەكتى اكتسيانى وتكىزدى, دەپ حابارلايدى Egemen.kz Polisia.kz سايتىنا سىلتەمە جاساپ.
بىرنەشە ساعات ىشىندە وسىنداي 65 جازبا جانە 100-دەن استام گراففيتي بويالدى. وبلىستىق پد ەققىقب اعا جەدەل ۋاكىلى ايگۇل ەراديلوۆانىڭ ايتۋىنشا, اكتسيا اۋقىمدى بولدى, ونى ءوڭىردىڭ قالالارى مەن اۋداندارى دا قولدادى.
– وبلىس ورتالىعىندا بۇل بيىل وتكىزىلگەن ەكىنشى اكتسيا. قالا تۇرعىندارىنىڭ كومەگىمەن بەلسەندى جۇمىستار جۇرگىزىلۋدە. ءبىزدىڭ ازاماتتار بۇل ماسەلەگە بەي-جاي قارامايدى. ءبىز مۇنداي جازۋلار تۋرالى حابارلامالاردى كوپ الامىز, – دەدى ول. “قوستانايدىڭ جاس كوشباسشىلارى” قق باسشىسى گۇلسىم بيسەمباەۆا اتاپ وتكەندەي, ەسىرتكىنىڭ تارالۋ پروبلەماسىن كۇش بىرىكتىرە وتىرىپ, بىرلەسىپ شەشۋگە بولادى.