11 ناۋرىزدا اۋىر اتلەتيكادان قازاقستان چەمپيوناتى باستالادى. ەل بىرىنشىلىگى ونلاين فورماتتا وتەدى, دەپ حابارلايدى Egemen.kz Olympic.kz سايتىنا سىلتەمە جاساپ.
الدىن الا مالىمەت بويىنشا, ۇلتتىق بىرىنشىلىككە ەلىمىزدىڭ بارلىق ايماعىنان 300-دەن اسا سپورتشى قاتىسادى دەپ كۇتىلۋدە.
«بيىلعى قاڭتاردان باستاپ الداعى ازيا چەمپيوناتىنا قارقىندى دايىندالىپ جاتىرمىز. بۇگىندە باپكەرلەر قۇرلىق دوداسىنا قاتىساتىن 17 اۋىر اتلەتتى تاڭداپ الدى. ونىڭ ىشىندە جەتى ايەل, ون ەر ادام بار. قاتىسۋشىلار ەسىمىن ەل چەمپيوناتى اياقتالعان سوڭ جاريالايمىز. بۇل جولى دا ءبىز جارىستى ۇيرەنشىكتى ونلاين فورماتتا وتكىزەمىز. ءبىزدىڭ سپورتىمىز ءۇشىن بۇل نۇسقا ىڭعايلى. جارىستىڭ ءوتۋ بارىسىنا ايتارلىقتاي كەدەرگى كەلتىرمەيدى. ەكىنشى جاعىنا, ازيا چەمپيوناتى قارساڭىندا سپورتشىلاردىڭ ۆيرۋس جۇقتىرىپ الۋ قاۋپىنىڭ الدىن الادى», دەيدى باس باپكەر.
ايتا كەتەيىك, تۋرنير 17 ناۋرىزعا دەيىن جالعاسادى.