اقتاۋ-ۇرگەنش-اقتاۋ باعىتى بويىنشا حالىقارالىق رەيس اشىلدى, دەپ حابارلايدى Egemen.kz
حورەزم وبلىسىنىڭ اكىمشىلىك ورتالىعى, ەجەلگى ۇرگەنىشكە «سكات» اۋە كومپانياسىنىڭ ۇشاعى اپتاسىنا 2 رەت قاتىنايدى.
«قازاقستان مەن وزبەكستان اراسىندا تىكەلەي قارىم-قاتىناس ورناتۋعا تاماشا مۇمكىندىك. 8 ناۋرىزدا Boeing 737 ۇشاعى العاشقى رەيستى ءساتتى جاسادى. Scat.kz سايتىندا بيلەتتى برونداۋعا بولادى. ورتاشا باعا 73 مىڭنان باستالادى. اپتاسىنا دۇيسەنبى جانە سارسەنبى كۇندەرى قاتىنايدى», دەيدى اۆياكومپانيا وكىلدەرى. سونداي-اق ۇشاقتا بارلىق سانيتارلىق-ەپيدەميالىق تالاپتار قاتاڭ ساقتالادى.