فريستايلدان الماتىدا ءوتىپ جاتقان الەم چەمپيوناتىندا پاراللەلدى موگۋلدان جارتىلاي فينالعا شىققان سپورتشىلار انىقتالدى, دەپ حابارلايدى Egemen.kz Olympic.kz سايتىنا سىلتەمە جاساپ.
ايەلدەر اراسىنداعى سىندا 15 جاستاعى قازاقستاندىق سپورتشى اناستاسيا گورودكو جارتىلاي فينالعا جولداما الدى. شيرەك فينالدا گورودكو جاپونيالىق سپورتشىمەن جارىسقان بولاتىن. ناتيجەسىندە, قارسىلاسى جارىس جولىنان شىعىپ, اناستاسيا ءوزىنىڭ سەكىرۋ ەلەمەنتتەرىن ءساتتى ورىندادى.
وسىلايشا, گورودكو جارتىلاي فينالدا قازاقستان اتىنان جالعىز ءوزى باق سىنايدى. ونىڭ كەزەكتى قارسىلاسى - رەسەيلىك اناستاسيا سميرنوۆا. ال دميتري رەيحەرد شيرەك فينالدا كانادالىق ميكاەل كينگبەريمەن سىنعا ءتۇسىپ, قارسىلاسىنا ۇپاي سانى بويىنشا ەسە جىبەردى.