ءبىزدىڭ الدىمىزدا ەكى ماڭىزدى شارا بار. ءبىرى – حالىقارالىق ايەلدەر كۇنى دە, ەكىنشىسى – «100 جاڭا ەسىم» جوباسىنىڭ IV ماۋسىمى
وزدەرىڭىز بىلەتىندەي, قازىر اتالمىش بايقاۋدىڭ العاشقى ء(وتىنىم قابىلداۋ) كەزەڭى ءجۇرىپ جاتىر.
الدا ايتىپ وتكەنىمىزدەي, حالىقارالىق ايەلدەر كۇنى قارساڭىندا «100 جاڭا ەسىم - 2021» جوباسىنا قاتىسۋعا ءوتىنىش بىلدىرگەندەر اراسىندا قازاقستاندىق 5 ارۋ دا بار. سونىمەن, ازىرگە تىركەلگەن 250-دەن اسا قاتىسۋشىنىڭ اراسىندا ەرەكشە كوزگە تۇسكەن, بۇعان دەيىن دە حالىق قوشەمەتى مەن العىسىنا يە بولعان بەستىك:
ەديلباەۆا ينديرا – 2015 جىلى وتكەن «قازاقستان داۋىسى» جوباسىنىڭ, 2020 جىلى ۋكراينادا وتكەن «گولوس سترانى» جوباسىنىڭ ءفيناليستى. قازاقستاندىق ءانشى.
اردانا بوتاي – اعا لەيتەنانت. سۋ-30سم جويعىش ۇشاعىن تىزگىندەگەن الەمدەگى جالعىز قىز. سونداي-اق, اردانا بوتاي ان-26, L-39 جانە سۋ-30سم ۇشاقتارىن دا يگەرگەن.
ايگەرىم راقىش – تانىمال ءانشى. قازىرگى تاڭدا ايگەرىمنىڭ رەپەرتۋارىندا 30-عا جۋىق ءان بار. مۋزىكالىق سىيلىقتار راسىمىندە «جىل سەرپىلىسى» ماراپاتىن يەلەنگەن (ەurasian Music Awاrds, EMA 2017). 2018 جىلى «I'm a Singer Kazakhstan» جوباسىنىڭ ەكىنشى ماۋسىمىنىڭ ءفيناليسى بولدى.
اينۇر تولەۋ – «وتقاراق» كىتابىنىڭ, «ادەبيەت پەن ادامزات» تەلەباعدارلاماسىنىڭ اۆتورى. بەيىمبەت مايلين اتىنداعى مەدالدىڭ, «اباي» مەرەيتويلىق مەدالىنىڭ يەگەرى.
سۇلەيمەنوۆا ءاليا – ITF تاەكۆوندو بويىنشا قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى. ەكى دۇركىن الەم چەمپيونى. ازيا چەمپيونى. الەم كۋبوگىنىڭ جەڭىمپازى.
بارلىق قاتىسۋشىلارعا ساتتىلىك تىلەيمىز. جەڭىس تۇعىرىندا مىقتىلار كەزىگەرىنە كامىل سەنىمدىمىز! مەرەكە قۇتتى بولسىن!