قاراعاندى وبلىسىنىڭ قۇرىلىس, ساۋلەت جانە قالا قۇرىلىسى باسقارماسىنىڭ باسشىسى بولىپ ابزال جايلىباەۆ تاعايىندالدى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
ابزال ءالىپ ۇلى جايلىباەۆ 1982 جىلى قاراعاندى وبلىسىنداعى جاڭاارقا اۋدانىنىڭ اتاسۋ كەنتىندە دۇنيەگە كەلگەن. ەڭبەك جولىن 2004 جىلى جاڭاارقا اۋدانى بويىنشا سالىق كوميتەتىندە باستادى. جاڭاارقا اۋدانىنىڭ قارجى ءبولىمىن باسقارعان. جاڭاارقا اۋدانى اكىمى اپپاراتىنىڭ باسشىسى بولدى.
ودان كەيىن قاراعاندى وبلىسى اكىمىنىڭ اپپاراتىندا ەڭبەك ەتتى: باس ينسپەكتوردان اپپارات باسشىسىنىڭ ورىنباسارىنا دەيىنگى قىزمەتتىك ساتىدان ءوتتى.
2019 جىلدىڭ ماۋسىمىنان باستاپ وسى تاعايىنداۋعا دەيىن قاراعاندى وبلىسىنىڭ قۇرىلىس, ساۋلەت جانە قالا قۇرىلىسى باسقارماسى باسشىسىنىڭ ورىنباسارى بولىپ قىزمەت ەتتى.