يندۋستريا جانە ينفراقۇرىلىمدىق دامۋ مينيسترلىگىندە «نۇرلى جول» مەملەكەتتىك باعدارلاماسى اياسىندا جۇزەگە اسىرىلىپ جاتقان اۆتوجول جوبالارى بويىنشا تەحنيكالىق قاداعالاۋ قىزمەتى تۋرالى كەڭەس ءوتتى, دەپ حابارلايدى Egemen.kz.
تالقىلاۋعا قر يدم اۆتوموبيل جولدارى كوميتەتى, قر يدم قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى, «قازاۆتوجول» ۇك» اق جانە «جول اكتيۆتەرىنىڭ ۇلتتىق ساپا ورتالىعى» رمك وكىلدەرى قاتىستى.
كەزدەسۋ بارىسىندا تەحنيكالىق قاداعالاۋ قىزمەتىن باعالاۋ جۇيەسىن ازىرلەۋ ۇسىنىلدى. بۇل رەيتينگ جوبا بويىنشا ساپالى جۇمىس جۇرگىزۋگە تەحنيكالىق قاداعالاۋدى جۇزەگە اسىراتىن ينجەنەرلەردىڭ قىزىعۋشىلىعىن ارتتىرماق. سونىمەن قاتار, تەحنيكالىق قاداعالاۋدى دەربەس جاۋاپكەرشىلىككە تارتۋ تەتىگى بويىنشا ۇسىنىستار ازىرلەۋ, ونىڭ ىشىندە مەردىگەر ۇيىمداردى عانا ەمەس, تەحنيكالىق قاداعالاۋدىڭ ينجەنەرلىك كومپانيالارىن دا, كەپىلدىك كەزەڭىندە ورتاق جاۋاپكەرشىلىكتى بەكىتۋ بولىگىندە قازاقستان زاڭناماسىنا وزگەرىستەر ەنگىزۋ بويىنشا ۇسىنىسقا باستاماشىلىق ەتۋ ماسەلەسى كوتەرىلدى.
ەستەرىڭىزگە سالا كەتەيىك, تەحنيكالىق قاداعالاۋ اۆتوموبيل جولدارىنىڭ قۇرىلىسى مەن جوندەلۋىنە باقىلاۋ جاسايدى, سونداي-اق تەحنيكالىق قۇرىلعىلاردىڭ كومەگىمەن جول توسەمىن ورناتۋ تەحنولوگياسىنىڭ ساقتالۋىن باقىلايدى.