دزيۋدودان 5-7 مامىر كۇندەرى پاريجدە ءوتۋى ءتيىس Grand Slam ءتۋرنيرى قازان قالاسىنا اۋىستىرىلدى. بۇل تۋرالى حالىقارالىق دزيۋدو فەدەراتسياسىنىڭ (IJF) ءباسپاسوز قىزمەتى حابارلايدى دەپ جازادى Olympic.kz.
فرانتسيا تاراپىنىڭ ءتۋرنيردى قابىلداۋدان باس تارتۋى جارىس ورنىن وزگەرتۋگە سەبەپ بولعان. قازانداعى تۋرنير توكيو وليمپياداسىنا رەيتينگىلىك ۇپاي بەرەتىنىن ايتا كەتكەن ءجون.
بۇل كۇندەرى وزبەكستان استاناسى تاشكەنتتە Grand Slam ءتۋرنيرى ءوتىپ جاتىر. ءبىرىنشى جارىس كۇنىنىڭ قورىتىندىسى بويىنشا قازاقستاندىق ەلدوس سمەتوۆ كۇمىس مەدال يەلەنسە, ەرلان سەرىكجانوۆ ۇزدىك بەستىككە ەندى.