الماتىدا كۇدىكتى ازامات ەسىرتكىنى تىكەلەي ۇيىنەن ساتقان, دەپ حابارلايدى Egemen.kz Polisia.kz سايتىنا سىلتەمە جاساپ.
بەس گرامدى قۇرايتىن گاشيش دوزاسى 3000 تەڭگەگە ساتىلعان. ەسىرتكى ساتۋشىنىڭ تۇرعىلىقتى جەرىن تەكسەرۋ كەزىندە 189,46 گرامم گاشيش تابىلدى.
«ول كەلەسى دوزانى ساتۋ بارىسىندا ۇستالدى. ول قاعازعا ەرەكشە ءيىسى بار جاسىل ۇنتاق زاتتى وراپ جاتتى. بۇل ەسىرتكىنىڭ قاراپايىم وراماسى. ەندى ءبىز ونىڭ تاۋاردى قايدان جانە قالاي العانىن انىقتاپ جاتىرمىز. ۇستالعان 43 جاستاعى ەر ادامعا قاتىستى سوتقا دەيىنگى تەرگەۋ قر قك-ءنىڭ 297-بابىنىڭ 1-بولىگى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, ولاردى جونەلتۋ نە وتكىزۋ) بويىنشا جۇرگىزىلۋدە. ول الماتى قالالىق پد ۋاقىتشا ۇستاۋ يزولياتورىنا قامالدى», دەدى الماتى قالالىق پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى ەرلان الماعامبەتوۆ.