جوعارى ەۋرازيالىق ەكونوميكالىق كەڭەستىڭ 5 ناۋرىزداعى شەشىمىمەن ەۋرازيالىق ەكونوميكالىق كوميسسيانىڭ قازاقستان رەسپۋبليكاسى اتىنان القانىڭ جاڭا مۇشەسى ء(مينيسترى) بولىپ رۋسلان بەكەتاەۆ تاعايىندالدى, دەپ حابارلايدى Egemen.kz حالىقارالىق ۇيىمنىڭ سايتىنا سىلتەمە جاساپ.
رۋسلان بەكەتاەۆ كوميسسيادا بۇل قىزمەتكە قازاقستان رەسپۋبليكاسى ۇلتتىق ەكونوميكا ءبىرىنشى ۆيتسە-ءمينيسترى بولىپ تاعايىندالعان تيمۋر جاقسىلىقوۆتىڭ ورنىنا كەلدى. ەەك-نىڭ جاڭا ءمينيسترى قازاقستاننىڭ مەملەكەتتىك بيلىك ورگاندارىنداعى باسشىلىق قىزمەتىندە بىرقاتار تاجىريبەگە يە. ونىڭ قۇزىرەتىنە ەۋرازيالىق ەكونوميكالىق وداعىندا كاسىپكەرلىك قىزمەتتى دامىتۋ, قارجى ساياساتى, ەڭبەك ميگراتسياسى جانە الەۋمەتتىك قورعاۋ ماسەلەلەرى كىرەدى.
رۋسلان بەكەتاەۆ 1975 جىلى 16 قاراشادا شىمكەنتتە دۇنيەگە كەلدى. قازاق مەملەكەتتىك اگرارلىق ۋنيۆەرسيتەتىن, بريستول ۋنيۆەرسيتەتىن ( ۇلىبريتانيا), وكسفورد ۋنيۆەرسيتەتىن ( ۇلىبريتانيا) بىتىرگەن. 1996-2001 جىلدارى – قر ۇلتتىق قۇندى قاعازدار كوميسسياسىنىڭ ليتسەنزيالاۋ جانە قاداعالاۋ دەپارتامەنتىندە جەتەكشى مامان, سەكتور مەڭگەرۋشىسى, ءبولىم باستىعى, باسقارما باستىعىنىڭ ورىنباسارى, دەپارتامەنت ديرەكتورىنىڭ ورىنباسارى مىندەتىن اتقارۋشى.
2001-2004 جىلدارى – قر ۇلتتىق بانكىنىڭ قارجىلىق قاداعالاۋ دەپارتامەنتىنىڭ ينسپەكتسيالاۋ باسقارماسىنىڭ باستىعى.
2004-2005 جىلدارى – قر قارجى نارىعىن جانە قارجى ۇيىمدارىن رەتتەۋ جانە قاداعالاۋ اگەنتتىگى بانكتەردى قاداعالاۋ دەپارتامەنتىنىڭ ينسپەكتسيالاۋ باسقارماسىنىڭ باستىعى.
2005-2010 جىلدارى – قارجى ورگاندارىنداعى, قر ەكونوميكالىق قىلمىسپەن جانە سىبايلاس جەمقورلىقپەن كۇرەس اگەنتتىگىندەگى قىزمەت.
2011 جىلعى مامىر-تامىز – «قازاق گۋمانيتارلىق زاڭ ۋنيۆەرسيتەتى» اق باسقارما توراعاسىنىڭ كەڭەسشىسى.
2011-2012 جىلدارى - قر قارجى مينيسترلىگىنىڭ قارجىلىق مونيتورينگ كوميتەتى توراعاسىنىڭ ورىنباسارى.
2012-2014 جىلدارى – قر قارجى مينيسترلىگىنىڭ قازىناشىلىق كوميتەتىنىڭ توراعاسى.
2014 جىلعى شىلدەدەن بەرى قر قارجى ۆيتسە-ءمينيسترى بولىپ ىستەدى.