شىمكەنت قالاسىنىڭ اكىمى مۇرات ايتەنوۆ پەن «NUR OTAN» پارتياسى قالالىق فيليالى توراعاسىنىڭ ءبىرىنشى ورىنباسارى جانار بەكتاەۆا بىرنەشە نازىك جاندىنى 8 ناۋرىز – حالىقارالىق ايەلدەر كۇنىمەن قۇتتىقتاپ, شاڭىراعىنا باردى, دەپ حابارلايدى Egemen.kz.
اۋەلى قالا اكىمى ەرەكشە كۇتىمدى قاجەت ەتەتىن بالا تاربەلەپ وتىرعان ينديرا بايمۋرۋنوۆانىڭ شاڭىراعىندا بولدى. ءۇش جاستاعى كەنجە ۇلى الي ورىنباسار بۇگىندە حالىققا الەۋمەتتىك قىزمەت كورسەتەتىن قالالىق اۋماقتىق ورتالىعىندا جارتىلاي ستاتسيونارلىق (كۇندىزگى ءبولىم) جاعدايدا ارناۋلى الەۋمەتتىك قىزمەت الادى. ءبۇلدىرشىن وڭالتۋدىڭ جەكە باعدارلاماسىنا سايكەس بارلىق قۇرالدارمەن قامتىلعان.
مۇرات دۇيسەنبەك ۇلى ۇلى وتان سوعىسى ارداگەرى اننا فەدوروۆنانى مەرەكەمەن قۇتتىقتادى. ارداگەرگە جىلى لەبىزىن بىلدىرگەن قالا اكىمى ءىى دۇنيەجۇزىلىك سوعىستا اپا-اپكەلەرىمىزدىڭ كورسەتكەن جانقيارلىق ەرلىكتەرى مەن جاۋجۇرەكتىلىگىن ماڭگى ەستەن شاعارمايتىنىن, وسكەلەڭ ۇرپاققا بەيبىت ءومىر سىيلاعان ۇلى جەڭىستىڭ ءبىز ءۇشىن ماڭىزى ەرەكشە زور ەكەنىن اتاپ ءوتتى.
مايدان دالاسىنداعى ەستەلىكتەرىمەن بولىسكەن اننا فەدوروۆنا بۇگىنگى ۇرپاقتان تاۋەلسىز قازاقستانداعى بەيبىت ءومىردىڭ قادىرىن ۇعىنۋدى ءوتىندى.
مۇنان كەيىن, شاھار باسشىسى 103 جاستاعى تىل ارداگەرى بيبيسارا يرجانوۆانى قۇتتىقتادى. ول 1918 جىلى چەليابينسك وبلىسى, چەسمەنسكي اۋدانىندا, اۋقاتتى وتباسىندا دۇنيەگە كەلگەن. 1930 جىلدارى قازاق دالاسىنا جەر اۋدارىلعان. ال, ءىى دۇنيەجۇزىلىك سوعىستا تىلدا ەڭبەك ەتكەن.
– سىزدەر نازىك جاندىلاردىڭ قانشالىقتى قايسار ەكەنىن كورسەتكەن جانسىزدار. وسىناۋ تىنىش زامان ءۇشىن ءبىز سىزدەرگە قارىزدارمىز, – دەدى مۇرات دۇيسەنبەك ۇلى.