بۇعىنىڭ مۇيىزدەرى ۇرلانعان

ۇرلىق وتكەن جىلدىڭ جەلتوقسانىندا ورىن العان. زايسان اۋدانى پوليتسيا ءبولىمىنىڭ «102» جەدەل ارناسىنا زايسان قالاسىندا ورنالاسقان جاۋاپكەرشىلىگى شەكتەۋلى سەرىكتەستىكتەردىڭ ءبىرىنىڭ 62 جاستاعى كۇزەتشىسىنەن قىزىل كىتاپقا تىركەلگەن جانۋاردىڭ مۇيىزدەرىن ۇرلاۋ فاكتىسى بويىنشا اقپارات تۇسكەن.

- تۇندە بەلگىسىز بىرەۋ جاۋاپكەرشىلىگى شەكتەۋلى سەرىكتەستىكتىڭ اۋماعىنا كىرىپ, كونتەينەردىڭ اسپالى ق ۇلىبىن بۇزىپ, قوراپتاردى ۇرلاپ كەتكەنى انىقتالدى. ونىڭ ىشىندە جالپى سالماعى 236 كيلوگرامنان استام بۇعىنىڭ مۇيىزدەرى بولعان, – دەدى شقو پد باستىعى ساعات ماديەۆ.

بيىل اقپاندا كۇدىكتى الماتى قالاسىندا ۇستالدى. ول 23 جاستاعى زايسان اۋدانىنىڭ تۇرعىنى بولىپ شىقتى. ۇستاۋ كەزىندە ەر ادام ۇرلانعان زاتتاردان قۇتىلماق بولىپ, ولاردى كولىگىنەن جولدىڭ بويىنا لاقتىرىپ كەتكەن.

قازىرگى ۋاقىتتا ايعاق زاتتار تاركىلەندى. تەرگەۋ جالعاسۋدا. اتالعان فاكتى قر قك-ءنىڭ 188-بابىنىڭ 3-بولىگى 3-تارماعى بويىنشا (تۇرعىن, قىزمەتتiك نەمەسە وندiرiستiك ءۇي-جايعا, قويماعا نە كولىك قۇرالىنا زاڭسىز كiرۋمەن جاسالعان ۇرلىق) سوتقا دەيىنگى تەرگەپ-تەكسەرۋ ءجۇرىپ جاتىر.