حوفبۋرگ سارايىندا قازاقستان ەلشىسى قايرات وماروۆ اۋستريانىڭ فەدەرالدىق پرەزيدەنتى الەكساندر ۆان دەر بەللەنگە سەنىم گراموتالارىن تاپسىردى, دەپ حابارلايدى Egemen.kz.
سالتاناتتى راسىمنەن كەيىن وتكەن كەزدەسۋ بارىسىندا وتاندىق ديپلومات پرەزيدەنت قاسىم-جومارت توقاەۆتىڭ اۋستريالىق ارىپتەسىنە جولداعان جىلى لەبىزدەرى مەن ىزگى تىلەكتەرىن جەتكىزىپ, قازاقستاننىڭ اتالعان ەلمەن ەكىجاقتى ىنتىماقتاستىقتى ودان ءارى نىعايتۋعا ۇلكەن ءمان بەرەتىنىن حابارلادى.
ەلشى سۇحباتتاسۋشىسىن مەملەكەت باسشىسىنىڭ ەلىمىزدىڭ ودان ءارى دەموكراتيالاندىرۋعا باعىتتالعان جاڭا رەفورمالارىمەن, قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ يادرولىق قارۋسىزدانۋ مەن ونى تاراتپاۋدى العا جىلجىتاتىن جاڭا بەدەلدى جاھاندىق الاڭ رەتىندە كوشباسشىلاردىڭ يادرولىق قارۋسىز الەم ءۇشىن جاھاندىق اليانسىن قۇرۋ تۋرالى باستاماسىمەن تانىستىردى.
ءوز كەزەگىندە, ا. ۆان دەر بەللەن قازاقستان پرەزيدەنتىنە جىلى تىلەكتەرىن جولداپ, اۋستريا قازاقستاندى ماڭىزدى ءارى سەنىمدى سەرىكتەسى رەتىندە قاراستىرىپ, ۆەنانىڭ تىعىز جانە جان-جاقتى ىنتىماقتاستىقتى دامىتۋعا مۇددەلىلىگىن اتاپ ءوتتى.
كەزدەسۋ سوڭىندا اۋستريا پرەزيدەنتى ەلشىنى قىزمەتىنىڭ رەسمي باستالۋىمەن قۇتتىقتاپ, ەكىجاقتى قاتىناستاردى ودان ءارى نىعايتۋ ىسىنە تابىس تىلەدى.