شىمكەنت قالاسىنداعى «ERNIYAZ media group» كومپانياسى كوپ كليەنت جينايتىن جارناما ازىرلەيدى, دەپ حابارلايدى Egemen.kz.
كومپانيا 2006 جىلدان باستاپ كوپتەگەن جوبالاردى ءساتتى جۇزەگە اسىرىپ كەلەدى. ونىمدەرى ىشكى نارىقتى قاناعاتتاندىرىپ وتىر. شىمكەنت قالاسى مەن تۇركىستان وبلىسىنداعى العاشقى جارنامالىق جانە وندىرىستىك كومپانيالاردىڭ ءبىرى رەتىندە نۇر-سۇلتان, الماتى, قاراعاندى, كوكشەتاۋ, پاۆلودار, قوستاناي جانە اقتاۋ قالالارا جونەلتەدى.
2018 جىلى كاسىپورىن باسشىسى «ەڭبەك» باعدارلاماسى بويىنشا «دامۋ» قورىنىڭ كومەگىمەن «ىرىس مقۇ» جشس-نەن 6% نەسيە راسىمدەپ, ءوندىرىس ورنىن جاڭا جابدىقتارمەن تولىقتىردى.
كاسىپورىن زاماناۋي جابدىقتارمەن, تەحنولوگيالىق مۇمكىندىكتەردىڭ ارقاسىندا ساپالى ونىمدەر ءوندىرىلىپ, ءتۇرلى توپتاعى تۇتىنۋشىلاردىڭ سەنىمىنە يە بولدى.
تابىستى كاسىپكەر, كاسىپورىن باسشىسى ەربول دايراشوۆتىڭ سوزىنشە مەملەكەتتىڭ كاسىپكەرگە كورسەتكەن قولداۋى كاسىبىنىڭ دامۋىنا, ساپالى ءونىم وندىرۋىنە جانە وركەندەۋىنە جول اشادى.
بيىل كومپانيا ءوزىنىڭ 13 جىلدىق مەرەيتويىن اتاپ وتەدى. الدا تاعى كوپتەگەن جوبالاردى جۇزەگە اسىرۋدى كوزدەپ وتىر. شىعارماشىلىق توبى جۇمىس كولەمىن ۇلعايتىپ, قىسقا بەينەلەر تۇسىرە باستاماق. كاسىپكەر بولاشاقتا ءوزىن كينو-يندۋستريا سالاسىندا سىناپ كورۋدى جوسپارلاپ وتىر.