ىشكى ءتۋريزمدى «ۇشتىك» وركەندەتەدى

جول كارتاسى ۇلتتىق تۋريستىك ءونىمدى دايىن­داۋدى, جەكەلەگەن تۋريزم تۇرلەرىن (بالا­لار-جاسوسپىرىمدەر ءتۋريزمى, مەديتسينا جانە ساۋىقتىرۋ ءتۋريزمى) جانە قولونەردى دامىتۋ, ەلدىڭ تۋريستىك الەۋەتىن ىلگەرىلەتۋ بويىن­شا ەلەۋلى ءىس-شارالاردى قامتيدى. جوبا شەڭ­بەرىندە قاراستىرىلعان ءىس-شارالاردى جۇزەگە اسىرۋ ەلىمىزدەگى تۋريستىك ءونىمنىڭ دا­يىندالۋ مەحانيزمدەرىن جان-جاقتى تالداۋ جانە وزەك­تەندىرۋگە, قولونەر شەبەرلەرىنىڭ جۇمىسىن رەتكە كەلتىرۋ جانە تۇيتكىلدى ماسەلەلەردى شەشۋگە, تۋريزم تۇرلەرىن دامىتۋدىڭ تۇجىرىمداما­لىق شەشىمدەرىن انىقتاۋعا مۇمكىندىك بەرەدى.

«قۇجات ەڭ الدىمەن تۋريزم سالاسىن ىلگە­رىلەتۋگە كومەكتەسەدى. بيىل وسى جوبا اياسىندا قازاقستاندىقتار مەن قازاقستانعا كەلگەن قوناقتاردىڭ ەلىمىزگە كەلۋىنە مۇمكىندىك جاساۋ ءۇشىن جاڭا نىساندار اشىلىپ, جۇمىس ورىندارى قۇرىلادى. وتكەن جىل بارلىق سالاعا وڭاي تيمەگەنى بەلگىلى. سوندىقتان بيىل بىلتىر جۇزەگە اسىرا الماي قالعان جۇمىستارىمىزدىڭ ورنىن تولتىرۋىمىز كەرەك, ال ۇكىمەت ءوز تاراپىنان بۇل سالاعا ۇلكەن كوڭىل بولۋدە. وسى جىلى ءتۋريزمدى دامىتۋعا 1 ترلن تەڭگە ءبولىنىپ, 22 مىڭ جۇمىس ورنى قۇرىلماق. قۇجات تۋريزم يندۋسترياسىن ودان ءارى دامىتۋعا مۇمكىندىك بەرەدى دەپ سەنەمىن», دەدى مادەنيەت جانە سپورت ۆيتسە-ءمينيسترى عابيدۋللا ابدراحيموۆ.

«اتامەكەن» ۇكپ باسقارما توراعاسىنىڭ ورىنباسارى يۋليا ياكۋپباەۆا ۇشجاقتى جول كارتاسىنا قول قويۋ سالانىڭ جەكەلەگەن باعىتتارىن قوسا العاندا ونىڭ ارى قارايعى دامۋى, سونداي-اق بىرلەسكەن ۇسىنىستار دايىنداۋ تۋريستىك ونىمدەردى قالىپتاستىرۋ جانە ينفراقۇرىلىم ماسەلەلەرىن شەشۋدە ءتيىمدى مەحانيزمگە اينالاتىنىن ايتتى. 

– جول كارتاسى – وسى جىلعى ءىس-ارەكەتتەردىڭ ناقتى جوسپارى. جوبانىڭ بارلىق ءىس-شاراسى نارىق ءۇشىن ماڭىزدى بولعاندىقتان, ءبىزدىڭ ۋاكىلەتتى ورگان جانە Kazakh Tourism بىرلەسىپ اتقارعان جۇمىسى ءبىر باعىتتا بولاتىنى بيزنەس ءۇشىن ءتيىمدى باعدار. وتكەن جىلى باستاۋ العان ينفراقۇرىلىمدى جانە تۋريستىك ءونىمدى جاقسارتۋ جونىندەگى ءىس-شارالاردان باسقا, بيىل تسيفرلاندىرۋ, اڭىز-اڭگىمەگە سۇيەنگەن تۋريزم, مەديتسينالىق جانە ەكولوگيالىق تۋريزم, كادر­لاردى دايارلاۋ جانە تاعى باسقا تارماقتار قو­سىلدى, – دەدى يۋ.ياكۋپباەۆا.

ءوز كەزەگىندە Kazakh Tourism باسقارما تور­اعاسى ەرجان ەركىنباەۆ پاندەميا قيىن­دىقتارى, قارجىنىڭ قىسقارۋى, قاراجات جانە بيزنەستى قولداۋ قۇرالدارىنىڭ شەكتەلۋىنە قاراماستان, 2020 جىلعى جول كارتاسىنىڭ ءىس-شارالارى ەسەبىنەن وتكەن جىل ءونىمدى بول­عانىن مالىمدە­دى. «قۇجات ارقىلى باعدار العان باعىتىمىز جالعاسىن تابۋى كەرەك, ال مينيستر­لىكتىڭ بىزگە قولداۋ بىلدىرگەنى قۇجات قولدانۋىن تەرەڭدەتە تۇسەدى. وزىمىزگە العان مىندەتتەمەلەردى ورىنداۋ­دى جالعاستىرامىز, اسىرەسە وسىعان دەيىن نازار مەن قولداۋعا ىلىكپەگەن باعىتتار نىسانعا الىنادى», دەدى ول.

ايتا كەتەيىك, وسىعان ۇقساس جول كارتاسى بىل­تىر «اتامەكەن» ۇكپ مەن «Kazakh Tourism» ۇك» اق اراسىندا جاسالىپ, ۇلتتىق تۋريستىك ءونىمدى قالىپتاستىرۋعا باعىتتالعان بولاتىن. جول كارتاسى شەڭبەرىندە ساناتوري, كۋرورت نىساندارىن تۇگەندەۋ بويىنشا اۋقىمدى جۇمىس, قولونەر جانە اگروتۋريزم بويىنشا كەشەندى ەكسپەديتسيا جۇرگىزىلىپ, وقۋشىلار ءۇشىن ءبىلىم بەرۋ ەكسكۋرسيالارىن ۇيىمداستىرۋ بويىنشا «جاندى ساباقتار» قاناتقاقتى جوباسى ىسكە اسىرىلدى. سونىمەن قاتار تانىمال تۋر باعىتتار بويىنشا قاجەت ينفراقۇرىلىم ايقىندالدى. وسى ورايدا ۇلتتىق تۋريستىك ءونىمدى قالىپتاستىرۋ ءۇشىن بىرىگىپ جۇمىس ىستەۋ جونىندەگى باستاما نارىقتا وڭ باعاسىن العان-دى.