ەلوردانىڭ سول جاعالاۋىندا تۇراقتا تۇرعان «مازدا» ماركالى اۆتوموبيل ورتەندى. بۇل تۋرالى Egemen.kz نۇر-سۇلتان قالالىق توتەنشە جاعدايلار دەپارتامەنتىنە سىلتەمە جاساپ حابارلايدى.
«بۇگىن ساعات 15:50-دە نۇر-سۇلتان قالالىق توتەنشە جاعدايلار دەپارتامەنتىنىڭ قۇرامىندا 5 مامان مەن 1 تەحنيكا بار ءورت ءسوندىرۋ بولىمشەسى ەسىل اۋدانىنىنا, ماڭگىلىك ەل داڭعىلى 18-ءۇيدىڭ جانىنداعى شاقىرتۋعا باردى. وقيعا ورنىنا جەتكەن كەزدە كولىك تۇراعىندا تۇرعان «مازدا» ماركالى ءاۆتوموبيلدىڭ ورتەنىپ جاتقانى انىقتالدى. ءورت ساعات 16:03-تە ءسوندىرىلدى. قازا تاپقاندار مەن زارداپ شەككەندەر جوق», دەلىنگەن حابارلامادا.
اتالعان دەپارتامەنت قازىرگى ۋاقىتتا ءورتتىڭ نەدەن شىققانىن انىقتاپ جاتىر.