اتىراۋدا كولىككە قۇياتىن سۇيىتىلعان گاز تاپشىلىعى تۋىنداپ تۇر. بۇل ماسەلە وبلىس اكىمى ماحامبەت دوسمۇحامبەتوۆ وتكىزگەن جەدەل كەڭەستە تالقىعا ءتۇستى, دەپ حابارلايدى Egemen.kz
اكىم سۇيىتىلعان گاز تاپشىلىعىنىڭ تۋىنداۋىنا جول بەرگەن جاۋاپتى تۇلعالاردىڭ سالعىرتتىعىنا سىنعا الدى.
«جاۋاپتى باسقارما باسشىلارى ماسەلەنىڭ ۋشىعۋىنا جول بەرىپ وتىر. ەنەرگەتيكاا مينيسترلىگى مەن «اتىراۋ مۇناي وڭدەۋ زاۋىتى» جشس-مەن تىعىز بايلانىس جاساپ, ماسەلەنى ۋاقتىلى رەتتەگەندە مۇنداي جاعداي بولماس ەدى. وسىنداي ولقىلىققا تىكەلەي جاۋاپتى تۇلعالارعا قىزمەتتىك شارا قولدانىلادى», دەدى ماحامبەت دوسمۇحامبەتوۆ.
وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىسى باسشىسىنىڭ ورىنباسارى دانيار مۇقىشەۆتىڭ ايتۋىنشا, ەنەرگەتيكا مينيسترلىگىنىڭ جوسپارىنا سايكەس, اقپاندا ناۋرىز ايى ءۇشىن وبلىسقا قاجەتتى 4600 توننا سۇيىتىلعان گاز بەرۋ تۋرالى كەستە جىبەرىلگەن. بىراق, اتىراۋ مۇناي وڭدەۋ زاۋىتى جوندەۋ جۇمىستارىنىڭ جۇرگىزىلۋىنە بايلانىستى ءتيىستى سۇيىتىلعان گازدى بەرە الماي وتىر. وسىعان بايلانىستى وزگە كومپانيالاردان 4500 توننا توننا گاز ساتىپ الىنباق.
اتىراۋ وبلىسىندا سۇيىتىلعان گازمەن جۇرەتىن اۆتوكولىكتەر تاۋلىگىنە شامامەن 150 توننا گاز تۇتىنادى.