ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي الەۋمەتتىك قولداۋدى دۇرىس ۇيىمداستىرعان جاعدايدا اۋىلدارداعى دارىگەر تاپشىلىعىن قالاي شەشۋگە بولاتىنىن ايتتى, دەپ حابارلايدى Egemen.kz
«دەنساۋلىق ساقتاۋ سالاسىنىڭ كادرلىق الەۋەتىن دامىتۋ ءۇشىن دارىگەرلەردىڭ جالاقىسىن, مامانداردىڭ بىلىكتىلىگىن ارتتىرۋ جۇمىستارى جالعاسادى. بيىل 11 مىڭنان استام ماماندى, ونىڭ ىشىندە 35-ءىن شەت ەلدە وقىتۋ جوسپارلانعان», دەدى ول.
ءمينيستردىڭ ايتۋىنشا, بيىل ەلىمىزدىڭ مەديتسينالىق جوعارى وقۋ ورگىندارىن 5 مىڭنان استام تۇلەك ءبىتىرىپ شىعادى. ولاردىڭ شامامەن 3 مىڭى العاشقى مەديتسينالىق-سانيتارلىق كومەك ۇيىمدارىنا جۇمىسقا جىبەرىلەدى.
«بۇل رەتتە العاشقى مەديتسينالىق-سانيتارلىق كومەك دارىگەرلەرىنىڭ تاپشىلىعى 2 540, ونىڭ ىشىندە اۋىلدىق جەرلەردە 848 ماماندى قۇرايدى. الەۋمەتتىك قولداۋدى دۇرىس ۇيىمداستىرعان جاعدايدا كادرلاردى جەرگىلىك جەرلەرگە بەكىتىپ, كادر تاپشىلىعى ماسەلەسىن شەشۋگە بولادى», دەدى الەكسەي تسوي.