اۋىل مەكتەپتەرى وقۋشىلارى اراسىندا وتەتىن «مىڭ بالا» ۇلتتىق وليمپياداسىنا قاتىسۋعا ءوتىنىم قابىلداۋ باستالادى. تىركەۋ 24 اقپاندا باستالىپ, 24 ناۋرىزعا دەيىن جالعاسادى.
وليمپيادا جەڭىمپازدارى دارىندى بالالارعا ارنالعان مامانداندىرىلعان مەكتەپتەردە جانە ەلباسى اكادەمياسىنىڭ ۆirge oqý ونلاين-مەكتەبىندە بiلiمiن جالعاستىرۋعا مۇمكىندىك الادى. وليمپياداعا اۋىلدىق مەكتەپتەردە سوڭعى ەكى وقۋ جىلىندا ءبىلىم الىپ جاتقان 5 جانە 6-سىنىپ وقۋشىلارى قاتىسادى.
ء«تۇرلى وليمپيادالاردى وتكىزۋ تاجىريبەسى اۋىل بالالارىنىڭ از قاتىساتىنىن كورسەتەدى. ستاتيستيكا بويىنشا, وبلىستىق جانە رەسپۋبليكالىق وليمپيادالارعا اۋىلدىق مەكتەپ وقۋشىلارىنىڭ 13-14%-ى قاتىسادى, بۇل ولاردىڭ دايىندىق دەڭگەيىنە جانە وليمپيادا وتكىزىلەتىن ورىنداردان الشاقتىعىنا بايلانىستى. وسىعان بايلانىستى نۇرسۇلتان نازارباەۆ قورى اۋىل وقۋشىلارىن عانا قامتيتىن «مىڭ بالا» ۇلتتىق وليمپياداسىن وتكىزەدى», دەپ حابارلادى «ەلباسى اكادەمياسى» كورپوراتيۆتىك قورىنىڭ باسقارۋشى ديرەكتورى ءانۋار جانعوزين.
«مىڭ بالا» وليمپياداسى ەكى كەزەڭنەن تۇرادى. ءبىرىنشى كەزەڭ لوگيكالىق جانە كەڭىستىكتىك ويلاۋدى باعالاۋدى قامتيدى. تەستىلەۋ ونلاين فورماتتا وتەدى. وڭىرلەر بويىنشا ەڭ جوعارى قورىتىندى بالل جيناعان 5 مىڭ وقۋشى وليمپيادانىڭ ەكىنشى كەزەڭىنە جولداما الادى.
ەكىنشى كەزەڭدە قاتىسۋشىلار ماتەماتيكالىق ساۋاتتىلىق, قازاق تىلىندە ءبىلىم الاتىن وقۋشىلار قازاق ءتىلى, ورىس تىلىندە ءبىلىم الاتىن وقۋشىلار ورىس ءتىلى, اعىلشىن ءتىلى جانە جاراتىلىستانۋ پاندەرى بويىنشا اكادەميالىق ءبىلىمدى باعالاۋ ءۇشىن كومپيۋتەرلىك تەستىلەۋدەن وتەدى. ەكىنشى كەزەڭ وڭىرلىك تەستىلەۋ ورتالىقتارى بازاسىندا ۇيىمداستىرىلادى.
وليمپياداعا تىركەلۋدى 1000bala.elbasyacademy.kz سايتىندا جۇرگىزۋگە بولادى. وليمپيادا جەڭىمپازدارى ەلىمىزدىڭ دارىندى بالالارعا ارنالعان جەتەكشى مەكتەپتەرىندە – ء«بىلىم-يننوۆاتسيا» ليتسەيلەرىندە, رەسپۋبليكالىق فيزيكا-ماتەماتيكا مەكتەپتەرىندە جانە «دارىن» مامانداندىرىلعان مەكتەپتەرىندە وقۋعا مۇمكىندىك الادى. وليمپيادانىڭ 5 مىڭ ءفيناليسى ەلباسى اكادەمياسىنىڭ «ۆirge oqý» ونلاين-مەكتەبىندە تەگىن وقي الادى.
2020 جىلى «مىڭ بالا» وليمپياداسىنا 295 مىڭ وقۋشى قاتىستى. وليمپيادا قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ ەl Úmiti – تالانتتى جاستاردى انىقتاۋ جانە قولداۋ باستاماسى اياسىندا وتكىزىلەدى. وليمپيادانى ەلباسى اكادەمياسى ءبىلىم جانە عىلىم مينيسترلىگىمەن بىرلەسىپ ۇيىمداستىرادى.