بۇگىن «شىن جۇرەكتەن»: Jurekten.kz الەۋمەتتىك, ۆولونتەرلىك جوباسى باستالدى, دەپ حابارلايدى Egemen.kz.
ەلىمىزدىڭ تۇرعىندارى العىس بىلدىرگىسى كەلەتىن ادامدارىنا «راقمەتىن» جەتكىزە الادى. ول ءۇشىن سايتقا كىرىپ, العىس جىبەرۋ جەتكىلىكتى. جىلى سوزدەردى كەز كەلگەن ادامعا: اتا-انا, العاشقى مۇعالىم, دارىگەر نەمەسە بەيتانىس ادامدارعا دا ارناۋعا بولادى.
جوبا جەتەكشىسى Black & White Production كومپانياسىنىڭ اتقارۋشى پروديۋسەرى ادينا حاماردىڭ ايتۋىنشا, «راقمەت» دەپ ايتۋ قيىن نارسە ەمەس, ونى ەستىگەن ادامنىڭ دا قۋانىپ قالاتىنى ءسوزسىز.
ء«بىز قازىر پاندەميا تۋدىرعان, قيىندىقتار مەن شەكتەۋلەر اسەر ەتىپ جاتقان ەرەكشە ۋاقىتتى باستان وتكەرىپ جاتىرمىز. ءبىزدىڭ جوبانىڭ ماقساتى – ادامداردى وسىنداي كۇردەلى كەزەڭدە بىرەۋگە شىن جۇرەكتەن العىس ايتىپ, ريزاشىلىق بىلدىرۋگە شاقىرۋ», دەدى ادينا حامار.