نۇر-سۇلتان قالاسى جاستار ساياساتى ماسەلەلەرى باسقارماسىنىڭ باستاماسىمەن ەل تاۋەلسىزدىگىنىڭ 30 جىلدىق مەرەيتويى اياسىندا «تاۋەلسىزدىكتىڭ ءتول قۇرداستارى» جوباسى باستالدى.
تاۋەلسىزدىك قۇرداستارى جىل بويى جەتىم بالالارعا تالىمگەر رەتىندە كومەكتەسىپ, ەلورداعا 30 مىڭ ءتۇپ اعاش وتىرعىزۋمەن, مۇمكىندىگى شەكتەۋلى بالالارعا ترەنينگ پەن تانىمدىق ەكسكۋرسيا ۇيىمداستىرۋمەن جانە باسقا دا 30 ءتۇرلى قايىرىمدىلىق شارالارمەن اينالىسادى.
سول قايىرىمدىلىق شاراسىنىڭ ءبىرى – «قايىرىمدى ىستەر مارافونى» اكتسياسى. «تاۋەلسىزدىكتىڭ ءتول قۇرداستارى» جوباسى اياسىندا سارىارقا اۋدانى بويىنشا از قامتىلعان وتباسىلارعا, جالعىزباستى قارتتارعا ازىق-ت ۇلىك سەبەتتەرى تارا-تىلدى.
سەبەتتەر ەڭ قاجەت ازىق-تۇلىككە تولى. مۇقتاج جاندار ۇن, كۇرىش, كارتوپ, پياز, ماي, شاي جانە باسقا دا زاتتار الدى. اكتسيا اياسىندا جىل بويى 300-گە جۋىق وتباسىنى قامتۋ جوسپارلانعان.
جوبانىڭ نەگىزگى ماقساتى – جاستاردىڭ باسىن ءبىر ورتاعا توپتاستىرۋ, ورتاق جوبالارعا جۇمىلدىرۋ, تاۋەلسىزدىكپەن قۇرداس, بيىك بەلەستەردى باعىندىرىپ, جەتىستىككە جەتكەن ازاماتتاردى كوپشىلىككە تانىتۋ.