ەلباسى نۇرسۇلتان نازارباەۆتىڭ قاۋلىسىمەن ارتۋر پلاتونوۆ «Nur Otan»-نىڭ پارتيالىق باقىلاۋ كوميتەتىنىڭ توراعاسى بولىپ تاعايىندالدى. بۇل تۋرالى پارتيا توراعاسىنىڭ ءبىرىنشى ورىنباسارى باۋىرجان بايبەك Twitter پاراقشاسىندا جازدى, دەپ حابارلايدى Egemen.kz.
«پارتيا ليدەرى نۇرسۇلتان نازارباەۆتىڭ قاۋلىسىمەن ارتۋر پلاتونوۆ «Nur Otan»-نىڭ پارتيالىق باقىلاۋ كوميتەتىنىڭ توراعاسى بولىپ تاعايىندالدى. ارتۋر ءستانيسلاۆوۆيچتىڭ قوعامدىق جانە پارتيالىق جۇمىستا جيناقتاعان مول تاجىريبەسى كوميتەت قىزمەتىن كۇشەيتە تۇسۋگە مۇمكىندىك بەرەتىنىنە سەنىمدىمىن», دەپ جازدى ب. بايبەك.
سونداي-اق, باۋىرجان بايبەك قر پارلامەنتى ءماجىلىسى توراعاسىنىڭ ورىنباسارى بولىپ سايلانعان كوميتەتتىڭ بۇرىنعى باسشىسى پاۆەل كازانتسەۆكە العىسىن ءبىلدىردى.