بەينەكونفەرەنتسيا فورماتىندا قازاقستان رەسپۋبليكاسى مەن يزرايل مەملەكەتىنىڭ سىرتقى ىستەر مينيسترلىكتەرى اراسىندا ساياسي كونسۋلتاتسيالار ءوتتى, دەپ حابارلايدى Egemen.kz.
قازاقستاندىق دەلەگاتسيانى سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ, يزرايلدىك دەلەگاتسيانى سىرتقى ىستەر مينيسترلىگى باس ديرەكتورىنىڭ ورىنباسارى گارري كورەن باسقاردى.
كەلىسسوزدەر بارىسىندا تاراپتار ەكىجاقتى كۇن تارتىبىندەگى نەگىزگى باعىتتاردىڭ جاعدايى مەن پەرسپەكتيۆالارىن تالقىلادى. بۇۇ مەن اوسشك اياسىندا جانە دامۋعا رەسمي كومەك جونىندەگى KazAID جانە MASHAV ۇلتتىق اگەنتتىكتەرى اراسىنداعى ىنتىماقتاستىققا باسا نازار اۋداردى. ەكىجاقتى ساۋدا-ەكونوميكالىق, اۋىل شارۋاشىلىق جانە باسقا دا سالالارداعى ىنتىماقتاستىقتى نىعايتۋ ماسەلەلەرى بويىنشا ەگجەي-تەگجەيلى پىكىر الماستى.
كەلىسسوزدەردىڭ قورىتىندىسى بويىنشا تاراپتار نۇر-سۇلتان مەن تەل-اۆيۆ اراسىنداعى ۇزاقمەرزىمدى سەرىكتەستىكتى ودان ءارى تەرەڭدەتۋ ماقساتىندا ەكى ەلدىڭ سىرتقى ساياسي مەكەمەلەرى بايلانىستارىنىڭ جوعارى دەڭگەيىن ساقتاۋ تۋرالى ۋاعدالاستىققا قول جەتكىزدى.