قۇرىلىس ەرەجەلەرى 2003 جىلدان باستاپ بىرنەشە رەت وزگەرگەن. بۇعان نە سەبەپ بولدى؟ ورتالىق كوممۋنكياتسيالار قىزمەتىندە وتكەن بريفينگ بارىسىندا جۋرناليستەر سپيكەرلەرگە وسىنداي ساۋال جولدادى. قر يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسىنىڭ ورىنباسارى ەركەبۇلان داۋىلباەۆ زاڭناماعا وزگەرتۋلەر ونى جەتىلدىرۋ ماقساتىندا جانە زامان تالابىنا ساي ەنگىزىلەتىنىن جەتكىزدى.
«قۇرىلىس اسسوتسياتسيالارى, قۇرىلىسشىلار بار, باسقا دا قاۋىمداستىقتار, جەرگىلىكتى اتقارۋشى ورگاندار اتىنان ءتيىستى ۇسىنىمدار ەنگىزىلگەندە زاڭدى جەتىلدىرۋ بويىنشا ءتيىستى وزگەرىستەر ەنگىزىلەدى. تۇرعىن ۇيلەر قۇرىلىس ەرەجەلەرى مەن سانيتارلىق نورمالارعا ساي سالىنىپ جاتىر. الدىمەن قۇرىلىستىڭ جوبالىق سمەتالىق قۇجاتتاماسى ازىرلەنەدى. سودان كەيىن ول مىندەتتى تۇردە ساراپتامادان وتكىزىلەدى. جسق بەكىتىلگەننەن كەيىن عانا قارجى ءبولىنىپ, قۇرىلىس جۇمىستارى جۇزەگە اسىرىلادى», - دەدى ە.داۋىلباەۆ ءوز جاۋابىندا.
بۇل رەتتە قر يندۋستريا جانە ينفراقۇرىلىمدىق دامۋ مينيسترلىگىنىڭ وكىلى قۇرىلىس ەرەجەلەرىن بۇزۋ جاعدايلارىن تەحنيكالىق قاداعالاۋشىلار, جەرگىلىكتى جەرلەردەگى تاپسىرىس بەرۋشىلەر مەن مەملەكەتتىك باقىلاۋ قىزمەتتەرى باقىلايتىنىن اتاپ ءوتتى.