اللا پۋگاچەۆا مەن ماكسيم گالكيننىڭ اراسىندا ۇلكەن جانجال تۋىپ وتىر. بۇل تۋرالى Utro.ru حابارلادى.
پريمادوننا ءوزىنىڭ جاس كۇيەۋىن تەرىس جۇرىستەرى ۇستىندە ۇستاپ العانىن, «مۇنىڭ ءوز ومىرىندەگى ەڭ سۇمدىق وقيعا بولعانىن» مالىمدەدى. سونداي-اق «Bigmir» سايتىنىڭ اقپارى بويىنشا, پارودياشى تاراپىنان مۇنداي ارەكەتتەردىڭ باستالعانىنا ايتارلىقتاي ءبىراز ۋاقىت بولعان.
گالكين بولعان وقيعاعا بايلانىستى ەشقانداي تۇسىندىرمە بەرگەن جوق. ەسەسىنە, پۋگاچەۆا تالاي نارسەنى ايتىپ ۇلگەردى. مۇنداي ساتقىندىقتى ەشقاشان باسىنان كەشپەگەنىن ايتقان اللا بوريسوۆنا: «مەنى مۇنشا قاتتى ەشكىم دە جابىرلەگەن جوق ەدى. مەن قاتتى قاپا بولىپ تۇرمىن. ماعان تىنىشتىق بەرىڭىزدەرشى, مارحابات!» دەدى ول وزىنە جولىققان جۋرناليستەرگە.
بۇدان بۇرىن گالكيندى بىرۋلەردىڭ سوچيدە ۋكراين مودەلىمەن بىرگە جۇرگەنىن كورگەندەرى دە جازىلعان. قاۋەسەتكە قاراعاندا, قىز حاركوۆتەن كورىنەدى. سول كەزدە پۋگاچەۆا بۇل دەرەككە تۇسىنىكتەمە بەرۋدەن باس تارتقان ەدى. ال گالكين بۇل قىزبەن ارالارىندا دوستىقتان وزگە ەشتەڭە جوق ەكەنىن العا تارتقان. سودان كەيىن بۇل وتباسىنىڭ دوستارى ايتىلعان اقپاردى ءجاي وسەك رەتىندە باعالاپ قويا بەردى.
ەسكە سالا كەتەيىك, ۇستىمىزدەگى جىلدىڭ قازان ايىنىڭ باسىندا پۋگاچەۆا مەن گالكين ەگىز بالانىڭ اناسى مەن اكەسى اتانعان. جۇلدىزدى جۇپتىڭ بالالارىن سۋرروگات انا تۋىپ بەردى. قازىر بالالاردى پۋگاچەۆانىڭ ءوزى باعىپ جاتىر. ول ءوزىنىڭ بوس ۋاقىتىنىڭ ءبارىن گرياز دەرەۆنياسىنداعى زاموگىندا بالالارىمەن بىرگە وتكىزۋدە. ال كونتسەرتتىك باعدارلامالارى وتە تىعىز بولۋىنا بايلانىستى ماكسيم گالكين ۇيگە ءجيى كەلە المايتىن كورىنەدى.
ايدار ورىسباەۆ.
دەرەككوز: Utro.ru
فوتو: Rus.tvnet.lv