قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى شۆەيتساريا كونفەدەراتسياسىنىڭ فەدەرالدىق جينالىسى كانتوندار كەڭەسىنىڭ بۇرىنعى پرەزيدەنتى, «قازاقستان-شۆەيتساريا» پارلامەنتارالىق دوستىق توبىنىڭ تەڭ توراعاسى فيليپپو ءلومبارديدى قابىلدادى, دەپ حابارلايدى Egemen.kz.
كەلىسسوزدەر بارىسىندا ەكى تاراپ ساياسي جانە ەكونوميكالىق سالالارداعى ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى. ەكى ەلدىڭ زاڭنامالىق ورگاندارى اراسىنداعى ودان ءارى ءوزارا ءىس-قيمىلىنا ەرەكشە نازار اۋدارىلدى.
كەزدەسۋ سوڭىندا قازاقستان رەسپۋبليكاسى پرەزيدەنتىنىڭ جارلىعىنا سايكەس قازاقستان مەن شۆەيتساريا حالىقتارى اراسىنداعى دوستىق پەن ىنتىماقتاستىقتى نىعايتۋعا قوسقان ۇلەسى ءۇشىن م. تىلەۋبەردى ف. لومبارديگە II دارەجەلى «دوستىق» وردەنىن تابىس ەتتى.