شىعىس قازاقستان وبلىسىنىڭ پوليتسيا قىزمەتكەرلەرى جۇك كولىگى جول جيەگىندەگى جىراعا ءتۇسىپ كەتكەن رەسەيلىك جۇرگىزۋشىگە كومەككە كەلدى.
شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, وقيعا «وسكەمەن-سەمەي» تاسجولىنداعى بۇلاق اۋىلىنىڭ ماڭىندا بولعان. «اۋا رايىنىڭ قولايسىزدىعىنا بايلانىستى, ناقتى ايتساق داۋىلدى جەلدەن «داف» ماركالى جۇك كولىگى جول جيەگىنە ءتۇسىپ كەتكەن. كولىك تىزگىنىندە وتىرعان رەسەي فەدەراتسياسىنىڭ 55 جاستاعى ازاماتى بولىپ شىقتى. ول وسكەمەننەن سەمەيگە قاراي كەلە جاتقان», دەلىنگەن حابارلامادا.
پوليتسيا كاپيتانى ن.ماتايباەۆ جانە اعا لەيتەنانت ق.ءازيتاي بىردەن جۇرگىزۋشىگە كومەككە كەلدى. ولار «داف» كولىگىن باسقا جۇك كولىگىنىڭ كومەگىمەن قايتادان جولعا شىعاردى.