وبلىس اكىمى ماحامبەت دوسمۇحامبەتوۆتىڭ مالىمەتىنشە, «Nur Otan» پارتياسىنىڭ وڭىردەگى سايلاۋالدى باعدارلاماسىن ىسكە اسىرۋ ءۇشىن «جول كارتاسى» ازىرلەندى, دەپ حابارلايدى Egemen.kz.
ء«ار باعىت بويىنشا نىسانالى ينديكاتورلار مەن مەرزىمدەر, جاۋاپتى ورىنداۋشىلار بەلگىلەندى. «جول كارتاسى» قالانى, اۋداندار مەن اۋىلداردى قامتيدى» دەدى ماحامبەت دوسمۇحامبەتوۆ.
«جول كارتاسىندا» ايماق تۇرعىندارىنىڭ تابىسىن ارتتىرۋ كوزدەلىپتى. وسى ماقساتتا الداعى بەس جىلدا 10 ينۆەستيتسيالىق جوبا ىسكە اسىرىلادى.
«اۋىل شارۋاشىلىعى سالاسىندا ەكى جوبا بار. قىزىلقوعا اۋدانىندا جالپى قۇنى 265 ملن تەڭگەنى قۇرايتىن تاۋلىگىنە 2 توننا ءسۇت جانە ءسۇت ونىمدەرىن وڭدەۋ تسەحىن سالۋ, قۇرمانعازى اۋدانىنان 200 ملن تەڭگەلىك زاماناۋي تەحنولوگيالارمەن جابدىقتالعان بالىق وڭدەۋ تسەحىن سالۋ جوسپارلانىپ وتىر» دەيدى «Nur Otan» پارتياسى وڭىرلىك فيليالى توراعاسىنىڭ ءبىرىنشى ورىنباسارى نۇرلىبەك وجاەۆ.