مۇنداي مالىمەتتەر اتىراۋ وبلىسىندا وتكەن ءوڭىردىڭ بالىق شارۋاشىلىعىن دامىتۋ جونىندەگى كەڭەس بارىسىندا ايتىلدى. كەزدەسۋ ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆتىڭ توراعالىعىمەن ءوتتى, دەپ حابارلايدى Egemen.kz.
وسىلايشا, بالىق شارۋاشىلىعىن دامىتۋدىڭ وڭىرلىك باعدارلاماسى اياسىندا 2030 جىلعا قاراي كاسپي تەڭىزىندەگى تەڭىز بالىق اۋلاۋدى ارتتىرۋ ەسەبىنەن كاسىپتىك بالىق اۋلاۋ كولەمىن 13 مىڭ توننادان 25 مىڭ تونناعا دەيىن, ال بالىق ونىمدەرىنىڭ ەكسپورتىن 6 مىڭ توننادان 25 مىڭ تونناعا دەيىن ارتتىرۋ جوسپارلانعانى ايتىلدى.
«بيىل اتىراۋ وبلىسىندا جۇمىس ىستەپ تۇرعان شارۋاشىلىقتار 10 توننا تاۋارلى بالىق ءوسىرۋدى جوسپارلاپ وتىر, بۇل 2020 جىلعا قاراعاندا 1,5 تونناعا ارتىق. 2030 جىلعا قاراي بۇل كورسەتكىشتى 15 مىڭ تونناعا دەيىن ارتتىرۋ جوسپارلانۋدا», دەدى ەكولوگيا مينيسترلىگى بالىق شارۋاشىلىعى كوميتەتىنىڭ توراعاسى ناريمان ءجۇنىسوۆ.
«امانگەلدى اتىنداعى» جشس ءىرى بالىق اۋلاۋ كاسىپورنىنا جاتاتىن «سەۆكاسپيفيش» جشس قارجى ديرەكتورى سالامات وماروۆ اتىراۋ وبلىسىنىڭ قۇرمانعازى اۋدانىندا جالپى اۋدانى 850-900 گا جەر ۋچاسكەسىندە 1100 تونناعا جوسپارلانعان بالىق اكۆامادەنيەتىنىڭ ءوندىرىسى تۋرالى حاباردار ەتتى.
ء«بىز اكۆامادەنيەتتى بەلسەندى دامىتۋدى جوسپارلاپ وتىرمىز. بالىق شارۋاشىلىعىن دامىتۋدىڭ 2030 جىلعا دەيىنگى باعدارلاماسى ەلىمىزدە اكۆاوسىرۋ ورتالىقتارىن قۇرۋعا وڭ سەرپىن بەرەدى. بۇل جۇمىستا مەملەكەتتىڭ قولداۋى ماڭىزدى»,- دەدى كومپانيا وكىلى.
ماعزۇم مىرزاعاليەۆ بۇگىنگى كۇنى ەلىمىزدىڭ بالىق سالاسىندا اۋقىمدى مىندەتتەر قويىلعانىن اتاپ ءوتتى.
«مەملەكەت باسشىسى قاسىم-جومارت توقاەۆ قىركۇيەك ايىنداعى قازاقستان حالقىنا جولداۋىندا ەلىمىزدىڭ بالىق شارۋاشىلىعىن دامىتۋدىڭ ماڭىزدىلىعىن ەرەكشە اتاپ ءوتتى. جۇيەلى شارالار قابىلدانعان جاعدايدا ەلىمىزدە بالىق ءوسىرۋ كولەمىن 600 مىڭ تونناعا دەيىن جەتكىزۋ جوسپارلانۋدا. سونداي-اق, بالىق ەكسپورتىن 300 مىڭ تونناعا دەيىن جەتكىزۋ جوسپارلانىپ وتىر. بەلگىلەنگەن جوسپارلاردى ءتيىمدى ىسكە اسىرۋ ءۇشىن مينيسترلىك جانىنان سالالىق كوميتەت قۇرىلدى, ول ءبىرىنشى كەزەكتە حالىقتى ساپالى ءارى قولجەتىمدى بالىق ونىمىمەن قامتاماسىز ەتۋ جانە ەلدە بالىق شارۋاشىلىعىن دامىتۋ ءۇشىن قولايلى جاعدايلار جاساۋ ءۇشىن شارالار قابىلدايتىن بولادى», - دەپ اتاپ ءوتتى مينيستر.
سونداي-اق, ماعزۇم مىرزاعاليەۆ ەلدەگى بالىق شارۋاشىلىعىندا اتىراۋ ءوڭىرىنىڭ الاتىن ورنى ەرەكشە ەكەندىگىنە نازار اۋداردى.
«قازاقستاندا اۋلاناتىن بالىقتىڭ وتىزعا جۋىق پايىزى وسى وبلىسقا تيەسىلى. كاسپيگە قۇياتىن ەكى ءىرى بالىق شارۋاشىلىعى سۋ ايدىندارى – جايىق پەن قيعاش وزەندەرىندە 20 تابيعات پايدالانۋشى ءوز كاسىپتەرىن ىسكە اسىرۋدا», - دەپ تۇيىندەدى ول.
ەستەرىڭىزگە سالا كەتەيىك, ەكولوگيا ءمينيسترى ءوڭىر تۇرعىندارىنا جاڭا ەكولوگيالىق كودەكستىڭ نورمالارىن ءتۇسىندىرۋ ماقساتىندا جۇمىس ساپارىمەن اتىراۋ وبلىسىنا باردى. ساپار اياسىندا ۆەدومستۆو باسشىسى اتىراۋ مۇناي وڭدەۋ زاۋىتىنا, «كاسپي بەكىرەسى ليميتەد» جشس تورلى شارۋاشىلىعىنا جانە ورال-اتىراۋ بەكىرە زاۋىتىنا باردى.