مادەنيەت جانە سپورت مينيسترلىگىنە قاراستى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ ديرەكتورى قىزمەتىنە تاير قاراتاەۆ تاعايىندالدى, دەپ حابارلايدى Egemen.kz.
بۇگىن جاڭا باسشىنى ۇجىمعا مادەنيەت جانە سپورت ۆيتسە-ءمينيسترى نۇرعيسا داۋەشوۆ تانىستىردى.
تاير نۇرلان ۇلى 1996-2007 جىلدارى ك.بايسەيىتوۆا اتىنداعى رەسپۋبليكالىق دارىندى بالالارعا ارنالعان ارنايى مۋزىكا مەكتەبىن ۆيولونچەل سىنىبى, 2007-2011 جىلدارى قۇرمانعازى اتىنداعى قازاق ۇلتتىق كونسەرۆاتورياسىن «اسپاپتا ورىنداۋشى» ماماندىعى بويىنشا تامامداعان.
ەڭبەك جولىن 2008 جىلى «قازاقستان كامەراتاسى» وركەسترىنىڭ ءارتىسى قىزمەتىنەن باستادى.
ال 2015-2016 جىلى جامبىل اتىنداعى قازاق مەملەكەتتىك فيلارمونياسىنىڭ مەملەكەتتىك اكادەميالىق سيمفونيالىق وركەسترىنىڭ ءارتىسى قىزمەتىنە قابىلدانىپ, ودان كەيىن وركەستر ينسپەكتورى, 2016-2018 جىلى گاسترولدىك-كونتسەرت قىزمەتىنىڭ جەتەكشىسى, جامبىل اتىنداعى قازاق مەملەكەتتىك فيلارمونياسى ديرەكتورىنىڭ ورىنباسارى, 2018-2019 جىلدارى اباي اتىنداعى قازاق مەملەكەتتىك وپەرا جانە بالەت تەاترى ديرەكتورىنىڭ مەنەدجمەنت جانە ماركەتينگ جونىندەگى ورىنباسارى قىزمەتىن اتقاردى. 2020 جىلدان باستاپ وسى ۋاقىتقا دەيىن جامبىل اتىنداعى قازاق مەملەكەتتىك فيلارمونياسى ديرەكتورى بولدى.