شىعىس قازاقستان وبلىسىندا «قاۋىپسىز جول» جەدەل الدىن الۋ ءىس-شاراسىنىڭ ءبىرىنشى كۇنىنىڭ قورىتىندىسى بويىنشا 1 380 جول قوزعالىسى ەرەجەلەرىن بۇزۋ انىقتالدى. ونىڭ ىشىندە قوعامدىق كولىك جۇرگىزۋشىلەرى دە بار, دەپ حابارلايدى Egemen.kz
رەيد ناتيجەسىندە ماس كۇيدە كولگە وتىرعان 22 جۇرگىزۋشى ۇستالدى. ال جولدىڭ قارسى جولاعىنا شىققانى ءۇشىن 10 جۇرگىزۋشى اكىمشىلىك جاۋاپكەرشىلىككە تارتىلدى. جىلدامدىقتى ارتتىراتىندار دا از ەمەس ەكەن. 93 جۇرگىزۋشى شەكتى جىلدامدىقتى ارتتىرعانى ءۇشىن ايىپتالدى. قاۋىپسىزدىك بەلدىگىن تاقپاعان 228 كولىك باسقارۋشى جازالانعان. كولىك تىزگىنىندە تەلەفون پايدالانعان 163, مانەۆر جاساۋ ەرەجەسىن بۇزعان 101 جۇرگىزۋشىگە حاتتاما تولتىرىلدى.
– اپاتتىق جاعداي تۋعىزعانى ءۇشىن 9 جانە كولىك قۇرالىن باسقارۋ قۇقىعى جوق نەمەسە ودان ايىرىلعان 37 جۇرگىزۋشىگە شارا قولدانىلعان. سونىمەن قاتار, تەحنيكالىق بايقاۋدان وتپەگەن 13 جاعداي انىقتالدى, – دەدى وبلىستىق پد جپقب باستىعى تالعات نۇريەۆ.
جازاعا جۇرگىزۋشىلەر عانا ەمەس, ەرەجە بۇزعان 264 جاياۋ جۇرگىنشى دە اكىمشىلىك جاۋاپكەرشىلىككە تارتىلدى.