كەشە, 17 اقپان كۇنى ساعات 10:00 شاماسىندا «ومبى – مايقاپشاعاي – تاسباستاۋ – اقجار» تاس جولىنىڭ 33 شاقىرىمىندا LADA اۆتوكولىگىنىڭ جۇرگىزۋشىسى جولداعى مەتەورولوگيالىق جاعدايدى ەسكەرمەي, قارسى كەلە جاتقان كاماز اۆتوكولىگىمەن سوقتىعىسقان, دەپ حابارلايدى Egemen.kz
وقيعا سالدارىنان LADA اۆتوكولىگىنىڭ 28 جاستاعى جۇرگىزۋشىسى مەن جولاۋشىلارى زايسان اۋدانىنىڭ ورتالىق اۋداندىق اۋرۋحاناسىنا جەتكىزىلدى. ولاردىڭ اراسىندا 2 جانە 5 جاس ارالىعىنداعى بالالار دا بولعان. اتالعان فاكتىگە وراي سوت-مەديتسينالىق ساراپتاما تاعايىندالدى. ونىڭ ناتيجەلەرى بويىنشا زاڭ اياسىندا شەشىم قابىلدانادى.
فوتوسۋرەتكە قاراساڭىزدار, كاماز جۇك كولىگى شەكارا قىزمەتىنە تيەسىلى.