قر پرەمەر-ءمينيسترى اسقار مامين جۇمىس ساپارى اياسىندا شىمكەنت قالاسىنىڭ كولىك, تۇرعىن ءۇي جانە الەۋمەتتىك-مادەني ينفراقۇرىلىمى وبەكتىلەرىنىڭ قۇرىلىس بارىسىن, سونداي-اق ءوڭىردىڭ ونەركاسىپتىك جانە سۋ-ەنەرگەتيكالىق الەۋەتىنىڭ دامۋىمەن تانىستى.
شىمكەنتتە ۇكىمەت باسشىسىنا وتكىزۋ قابىلەتى ساعاتىنا 2000 جولاۋشىنى قۇرايتىن حالىقارالىق اۋەجايدىڭ جاڭا جولاۋشىلار تەرمينالىنىڭ قۇرىلىسى تۋرالى باياندالدى. ونى بيىل قازان ايىندا ىسكە قوسۋ كوزدەلگەن. ا. مامين بيىل پايدالانۋعا بەرۋ جوسپارلانعان د.قوناەۆ داڭعىلى مەن ت.رىسقۇلوۆ كوشەسىنىڭ قيىلىسىنداعى كولىك جولايرىعىنىڭ قۇرىلىسىمەن تانىستى. سونىمەن قاتار ۇكىمەت باسشىسى سورعى قوندىرعىلارىن, قۇبىر ارماتۋراسىن جانە ەلەكتر جابدىعىن شىعاراتىن «Karlskrona LC AB» جشس-عا باردى. كاسىپورىننىڭ قۋاتتىلىعى 2,5 مىڭنان 10 مىڭعا دەيىن سۋ سورعىسىن, سونداي-اق 7 مىڭ توننا قۇيما مەن ستاندارتتى ەمەس جابدىقتاردى قۇرايدى.
پرەمەر-مينيستر «شىمكەنت سيتي» شاعىن اۋدانىنىڭ قۇرىلىس بارىسىمەن تانىستى, وندا ينۆەستورلار «شىمكەنت» الەۋمەتتىك-كاسىپكەرلىك كورپوراتسياسىمەن بىرلەسىپ, تۇرعىن ءۇي قۇرىلىسى (532 مىڭ شارشى مەتر تۇرعىن ءۇي) جانە ءبىلىم بەرۋ (3800 ورىندىق 2 مەكتەپ) سالالارىنداعى 9 جوبانى ىسكە اسىرۋعا 199 ملرد تەڭگە باعىتتايدى.
بۇدان بولەك, اسقار ۇزاقباي ۇلىنا قالانىڭ الەۋمەتتىك-ەكونوميكالىق دامۋ بارىسى باياندالدى.
بيىلعى قاڭتار ايىندا شىمكەنت قالاسىندا ونەركاسىپ ءونىمىن ءوندىرۋ كولەمى 2020 جىلدىڭ ءتيىستى كەزەڭىنە قاراعاندا 9,6%-عا ۇلعايىپ, 54,4 ملرد تەڭگەنى قۇرادى. وڭدەۋ ونەركاسىبىندە تۇراقتى ديناميكا بايقالىپ وتىر, ول جىل باسىنان بەرى 10,6%-عا ءوستى. فارماتسەۆتيكا (+54,6%), كوكس جانە مۇناي ونىمدەرىن ءوندىرۋ (+12,6%), وزگە دە مەتالل ەمەس ونىمدەر (+12,2%), ازىق-ت ۇلىك ونىمدەرىن شىعارۋ (+7,2%) ءوسىمنىڭ نەگىزگى قوزعالتقىشتارىنا اينالدى. قۇرىلىس كولەمى 27,5%-عا – 1,5 ملرد تەڭگەگە دەيىن ۇلعايدى, 32,6 مىڭ شارشى مەتر تۇرعىن ءۇي پايدالانۋعا بەرىلدى, بۇل 2020 جىلعى سايكەس كورسەتكىشتەن 2,8 ەسە ارتىق. اۋىل شارۋاشىلىعىنداعى ءوندىرىس كولەمىنىڭ ءوسۋى 2,1 ملرد تەڭگەگە جەتىپ, 8,8%-دى قۇرادى. نەگىزگى كاپيتالعا سالىنعان ينۆەستيتسيالار 12,8 ملرد تەڭگەگە دەيىن ءوستى, بۇل 2020 جىلعى قاڭتارداعى كورسەتكىشتەن 2,7 ەسە كوپ. 2021-2025 جىلدارى شىمكەنت قالاسىندا 11 500 جاڭا جۇمىس ورنىن قۇرا وتىرىپ, 1,36 ترلن تەڭگە سوماسىنا 123 ينۆەستيتسيالىق جوبادان تۇراتىن پۋل قۇرىلدى. بيىل 2300 جۇمىس ورنىن اشۋمەن 129,2 ملرد تەڭگەگە 61 جوبانى ىسكە اسىرۋ جوسپارلانۋدا.