بىلىكتىلىكتى ارتتىرۋ ماقساتىندا اباي اتىنداعى قازۇپۋ ءبىلىم بەرۋ قىزمەتكەرلەرىنىڭ ءتۇرلى ساناتتارىنا - وقىتۋشىلارعا, دوكتورانتتار مەن ماگيسترانتتارعا, وقۋلىق اۆتورلارىنا, ادىسكەرلەر مەن وعىتۋشىلارعا ارنالعان بىلىكتىلىكتى ارتتىرۋ كۋرستارىن ۇيىمداستىردى.
ءبىزدىڭ بىلىكتىلىكتى ارتتىرۋ جانە قاشىقتان وقىتۋ ورتالىعى 2021 جىلى 8-12 اقپان ارالىعىندا ۋنيۆەرسيتەت وقىتۋشىلارىنا «تسيفرلىق پەداگوگ» تاقىرىبىندا كۋرستار وتكىزدى.
بولاشاق مۇعالىمدەردى دايارلاۋ ساپاسىن ارتتىرۋعا ىقپال ەتەتىن كۋرس 15 اقپاننان باستالىپ, وندا «ساباقتى زەرتتەۋ (Lesson Study) مەن ءىس-ارەكەتتەگى زەرتتەۋدى (Action Reseach) ۇيىمداستىرۋ جانە جۇرگىزۋ, كريتەريالدى باعالاۋ كونتەكستىندەگى تاپسىرما قۇراستىرۋ تەحنولوگياسى» تاقىرىپتارىن قامتيتىن بولادى.
مەكتەپ وقۋلىقتارىنىڭ اۆتورلارى ءۇشىن 1 ناۋرىزدان باستاپ «جاڭارتىلعان ءبىلىم بەرۋ مازمۇنى جاعدايىنداعى زاماناۋي مەكتەپ وقۋلىعى» تاقىرىبىندا كۋرس وتكىزىلەدى. كۋرس وقۋلىق اۆتورلارىنا ورتا ءبىلىم بەرۋدىڭ زاماناۋي تاسىلدەرىن جۇزەگە اسىرۋعا كومەكتەسەدى.