وبلىستىق پوليتسيا دەپارتامەنتى ءباسپاسوز قىزمەتى «ميگرانت» جەدەل الدىن الۋ ءىس-شاراسىنىڭ ەكى كۇنىندە 143 اكىمشىلىك قۇقىق بۇزۋشىلىق انىقتالعانىن ءمالىم ەتتى, دەپ حابارلايدى Egemen.kz.
«ەلىمىزدىڭ كوشى-قون زاڭناماسىن بۇزعانى ءۇشىن 103 شەتەلدىك اكىمشىلىك جاۋاپكەرشىلىككە تارتىلدى. سوت 4 شەتەل ازاماتىنا قاتىستى شىعارىپ جىبەرۋ تۋرالى شەشىم شىعاردى. ال, 2018 جىلدان بەرى قازاقستان رەسپۋبليكاسىنىڭ اۋماعىنان ءوز ەركىمەن شىعۋ تۋرالى سوت شەشىمىن ورىنداماعان وزبەكستان رەسپۋبليكاسىنىڭ 16 ازاماتىنا قاتىستى ماجبۇرلەۋ تارتىبىمەن شىعارىپ جىبەرىلدى. شاقىرىلعان شەتەلدىكتەر ەلىمىزدە بولۋدىڭ بەلگىلەنگەن قاعيدالارىن بۇزعانى ءۇشىن ولاردى قابىلداعان 34 ازامات جازالاندى. سونىمەن قاتار 6 جۇمىس بەرۋشىنىڭ شەتەلدىك جۇمىس كۇشىن زاڭسىز پايدالانعانى بەلگىلى بولدى» دەپ حابارلادى دەپاراتمەنتتىڭ ءباسپاسوز قىزمەتى.
سونداي-اق 297 شەتەلدىكتىڭ قۇقىقتىق مارتەبەسى رەتتەلىپتى.