الماتىدا جۇمىس ىستەپ تۇرعان شوب سۋبەكتىلەرىنىڭ سانى ارتتى

2020 جىلى الماتى اكىمدىگى شاعىن جانە ورتا بيزنەستى قولداۋ جانە ولاردى قالپىنا كەلتىرۋ بويىنشا داعدارىسقا قارسى بىرقاتار كەشەندى شارالاردى جۇزەگە اسىرعان. قالا بيلىگى جۇرتشىلىقپەن كەزدەسۋدە قابىلدانىپ جاتقان شارالاردىڭ تيىمدىلىگىن اتاپ ءوتتى.

سالىقتىق ىنتالاندىرۋ, نەسيەلەندىرۋدى كەڭەيتۋ, ينفراقۇرىلىمدى دامىتۋ, ءوندىرىستى قولداۋ جانە جۇمىسپەن قامتۋدى ساقتاۋ بويىنشا قابىلدانعان شارالاردىڭ ناتيجەسى جۇمىس ىستەپ تۇرعان شوب سۋبەكتىلەرى سانىنىڭ 3,6% - عا ءوسۋىن قامتاماسىز ەتكەن. شاعىن جانە ورتا بيزنەستى نەسيەلەندىرۋ كولەمى 2020 جىلى 1,7 ەسە ءوسىپ, 1,4 ترلن تەڭگەدەن استى.

ونەركاسىپ سالاسىندا 1,4 مىڭ جۇمىس ورنىن قۇرۋمەن 39,7 ملرد تەڭگەگە 11 جوبا ىسكە اسىرىلدى, ونىڭ ىشىندە يندۋستريالىق ايماقتا – 848 جۇمىس ورنىن قۇرۋمەن 29,9 ملرد تەڭگەگە 4 جوبا جۇزەگە اسىرىلدى. فارماتسەۆتيكالىق پرەپاراتتاردى, مەديتسينالىق بۇيىمدار مەن تەحنيكانى ءوندىرۋ بويىنشا مەديتسينالىق كلاستەر قۇرىلدى.

«الماتى بيزنەس-2025» وڭىرلىك باعدارلاماسى اياسىندا 3 شاعىن ونەركاسىپ پاركى اشىلدى, وندا كاسىپكەرلەرگە جەڭىلدىكتى تاريفتەر بويىنشا وندىرىستىك الاڭدار بەرىلەدى. «Qoldaý» كاسىپكەرلىك ورتالىعى بيزنەسكە 91 مىڭنان استام كەڭەس جانە باسقا دا سەرۆيستىك قولداۋ كورسەتتى.