بۇگىن قالا اكىمى ب. ساعىنتاەۆ الەۋمەتتىك جەلىدە جۇك كولىكتەرىنىڭ زياندى قالدىقتارىن ازايتۋ جونىندەگى قوسىمشا قادامدارعا باراتىنى تۋرالى باياندادى.
«قورشاعان ورتاعا تەحنوگەندى جۇكتەمەنى ازايتۋ جۇمىستارىن جالعاستىرۋدامىز. قوعامدىق جانە كوممۋنالدىق اۆتوپاركتەردى ەكولوگيالىق تازا وتىنعا اۋىستىرۋ جۇمىسىمەن قاتار ترانزيتتىك جۇك كولىكتەرىنىڭ قوزعالىسىن شەكتەۋ مۇمكىندىگىن دە زەردەلەيمىز. جۇرگىزىلگەن مونيتورينگ بويىنشا قالاعا تاۋلىگىنە 17 مىڭنان استام جۇك كولىگى كىرەتىنىن كورسەتتى», - دەپ جازدى الماتى اكىمى Facebook-تاعى ءوزىنىڭ پاراقشاسىندا.
ب. ساعىنتاەۆتىڭ ايتۋىنشا, بۇل ماسەلەنى جان-جاقتى زەردەلەۋ ءۇشىن پوليتسيا دەپارتامەنتى مەن جاسىل ەكونوميكا باسقارماسىنىڭ قىزمەتكەرلەرى, ساراپشىلار قاۋىمداستىعى, سونداي-اق كولىك پەن كوممۋنيكاتسيا عزي ماماندارى تارتىلدى. قازىرگى ۋاقىتتا لاستاۋشى قالدىقتىڭ كولەمى, مارشرۋتتى ازىرلەۋ مەن وتكىزۋ قابىلەتىن ەسەپتەۋ بويىنشا زەرتتەۋ جۇرگىزىلۋدە. ناتيجەسىندە مەگاپوليستىڭ ەكولوگياسى جاقسارادى.
بۇرىندارى الماتى اكىمى قالالىق قوعامدىق كولىك پاركىنىڭ ەكولوگيالىق كوگىلدىر وتىنمەن جۇرەتىن 41 اۆتوبۋسقا جاڭارعانىن حابارلاعان ەدى.
الماتى