الەۋمەتتىك جەلىدەگى جازبا اۆتورى رۋسلان لازۋتانىڭ ايتۋىنشا, ساۋنادا وتىرعاندار – پوليتسەيلەر.
رۋسلان لازۋتا Instagram-داعى پاراقشاسىندا فوتودا سەمەي قالاسىنىڭ ورتالىق پوليتسيا ءبولىمى پوليتسيا قىزمەتىنىڭ باسشىسى, پوليتسيا مايورى ريشات سۇڭعاتوۆ جانە ۋچاسكەلىك ينسپەكتورلارمەن بىرگە ساۋنادا وتىرعانىن جازعان. ايتۋىنشا, قاڭتارداعى كارانتينگە قاراماستان, «جاڭا باسشىنىڭ لاۋازىمدى قىزمەتكە تاعايىندالعانىن تويلاۋ» ءۇشىن جەكە قۇرام جينالعان. فوتو ساۋنادا تۇسىرىلگەن.
جازباعا قاتىستى شقو پوليتسيا دەپارتامەنتى تەكسەرىس باستاپتى.
«الەۋمەتتىك جەلىدە تاراعان فوتوسۋرەتتە سەمەي پوليتسيا باسقارماسىنىڭ قىزمەتكەرلەرىنىڭ بارى راس. بۇل دەرەك بويىنشا شقو پد ىشكى قاۋىپسىزدىك باسقارماسى رەسمي تەكسەرۋدى باستادى», دەدى دەپارتامەنت وكىلدەرى.